-
Miner 2 Froue sy zäme am Musige gsy am E-Piano u d’Sandra het du no recht afa e Ballade zum Beschte gä – da isch viu Herzbluet dri gflosse 🙂
-
Endlech Wuchenend! So bi ig o mau mit ufe Spiuplatz im Quartier u mir hei mit dr’Sandra gspiut uf was sie so het Luscht gha.
I ha de no chli mit dr’Kamera umegspiut und es zwoits Video gmacht wo chli „kreativer“ isch vom Blickwinku, auerdings nid ganz so agnehm zum luege (bsungers im Voubiud nid…):
-
I ha hüt übere Mittag öppis vom Schregste überhoupt gseh. Und zwar dass ds’Resultat us „1 + 2 + 3 + 4 + … + ∞“ söu -1/12 sy. Irgendwie stiegi nid düre, aber es gseht solid us und nid nach Math-Hokus-Pokus…
Hie ds’Video derzue (leider nume uf englisch)
-
Da mir itz regumässig tüe Zähn putze mit dr’Sandra hei mir o es Zahnputz-Lied gsuecht und sy fündig worde 🙂
-
D’Bohne het viu Freud we sie cha ihri Chlötzli noime drufplatziere; so wie zum Bispiu uf ihri Spiuzüg-Chischte.
Usnahmswys het sie nid bemerkt dass sie gfiumet wird. Das macht aube grad viu us 🙂
-
I mire Mittags-Pouse bi ig ufene Video gstosse wo nume so vo Nerdtum trieft, glichzytig aber schlechter fasch nüm cha si 🙁
Dr’Sänger, Leonard Nimoy, isch dr’Darsteller vo Spock us Star Trek (Spock isch dä wo d’Finger so komisch spreizt zum grüesse). Bilbo Baggins heisst uf Dütsch Bilbo Beutlin und isch dr’aut Hobbit us de Herr der Ringe Filme. http://www.youtube.com/watch?v=AGF5ROpjRAU
-
D’Sandra faht itz ah ihri Finger z’entdecke. Und irgendwie chöme da immer wieder neui Finger füre wo me cha bestuune 🙂