-
Da mir no i d’Stadt hei wöue, hei d’Sandra u ig üs nume churz es Joghurt teilt damit mir öppis im Buuch hei. Auerdings sy mir itz sowit, dass d’Sandra dr’Päpu füetteret und nüme angersume 🙂
-
Mir sy hüt bi Mischu’s Mami (d‘ Susi) iglade gsy, wöu Mischu si Geburi het dörfe fiire. Nomau aues Liebe und Guete vo üs vierne.
-
I bi mit de Ching bepackt (Snaggli und a der Hand) richtig Bethlehem greist u ha äxtra d‘ Zugverbindug gno, dass mer vo Thun uf Bärn is Spieuabteu hei chönne. D’Sandra wo das bis jetz no nid gkennt het, isch natürlech aus grossi Rutsch-Liebhabere wahnsinnig begeischteret gsy 🙂
-
Es isch scho ume Zyt fürne Bsuech bi der Chinderärzti. D‘ Laura het vous Programm gha, mit wääge (7360 gramm), mässe (65cm Körper, 43 cm Chopf) u gigsli mache. U o d’Sandra het ume eis mit dörfe. D’Sandra het nomau müesse ä Tescht mache wägem 3D gseh u dismau isch aues guet gsy. U bi Lauras ungersuechig het si ganz nach dörfe derbihocke und zueluege. Das het ihre schono so gfaue.
-
I ha gester a Sandra’s Bäbi ändlech e aständegi Nuggichetti bastlet. S‘ erschte Bändeli woni mir Läbtig gchnüpft ha – u es het spass gmacht 🙂
-
Mini chlyni Hushauthiuf… 🙂
Sie hiuft zum Teu wosi nume cha… Choche, Wösch sortiere u zämelegge, suge, putze…. Leider bini so nid grad schneuer mit Hushaute… 😁
-
D‘ Sandra het mängisch so luschtegi Sätz wosi seit 🙂 Nach em Bade, het si mi gfragt: Mami, du chasch mir mit äm Föhn d Haar wider warm mache?
-
D’Sandra het hüt Morge e Überraschig im Briefchaschte gha… Der Brief wo sie sech gester säuber gschickt het 🙂
-
Hüt het mis Schwöschterhärzli d’Andrea dörfe ihre Geburtstag fyre. Mir sy zu Kaffee und Kuchen u zum ds‘ Nacht bi ihne gsy. I bi mit de Töchtere fangs via ÖV voraa u d’Sandra isch nid müed worde wiudfrömde Lüt ungerwägs ds Verzeue, dass si sech freut, wöu mer zum Gotti göh. No einisch: Happy Birthday Andrea 🙂
-
Mir hei e erschte (leider doch eher dümmläche) Kommentar ufenes Video uf YouTube übercho.