-
Dr’Früehlig isch da – ds’Wetter und d’Temparature hei sech so zum Guete gänderet dass mir z’erschte Mau dieses Jahr üses Znacht dusse gässe hei.
Mitem Früehlig chunnt derfür o ds’permanente Chuzzele ir Nase bi mir, seich Allergie!
-
Mir sy hüt Vormittag mau chly kreativ gsy. D‘ Sandra het bis jetz Wasserfarbe no nid kennt. Si het e riise Spass gha bim Male vo ihrne Biuder… U hätt äuä der ganz Tag chönne witermale, wes nach ihre wär gange. Si het de när o grad mit grosser Freud di zwöi schönste Biuder ad Schlafzimmertürene ghänkt.
-
I ha im Chäuer es Bäbi us mire Chindheit fürekramet – da d Sandra geng so freud het amne settige Bäbi i der Müettereberatig. Sit i der Sandra ha s Bäbi häregäh u ig ihre ha gseit, si dörfs bruche u söu guet druf ufpasse, het si ä nöii ,Fründin‘ 😉 so düe di zwöi o öppe mau zäme Büechli aluege…
-
Üser Töchtere chöi ja so lieb sy zäme. Oschön z’gseh wie d’Laura vor Sandra scho viu abluegt.
-
Wüu ig i de vergangene Tage regumässig chli länger (z’lang) bügle, het d’Sandra e neui Wortkreation erfunge: „Päpu tuet wieder späterle.“
-
D’Sandra het dieses Jahr kes Osternäschtli zum Sueche gha daheime – mir hei grad dr’Osterhaas säuber gfange 🙂
Härzleche Dank a Grosi u Grösi für ~2.5 kg Osterhaas
-
I ha für d’Sandra hinech mau es chly angers Vorabeprogramm gha. Mir hei gmeinsam paar Eier bemaut. Ds Resultat laat sech durchus la zeige.
-
Mir hei hüt ume eis das wunderbare Wätter gnosse. D Sandra freut sech scho jetz, wes de wider warm gnue isch zum richtig chosle. Zur Zyt muess haut s Seifepläterli länge.
-
D’Laura het ds’nächscht grössere Bett übercho u het sech vo Afang a wohl gfüehlt dinne. D’Sandra het mir iifrig ghoufe bim zämeboue u de o grad aui wichtige Spiusache für d’Laura verbi bracht 🙂
-
I bi hüt mit üsne Modis es Fährtli zur Post go mache. O wes chly äng het usgseh hinger drinn, hei sis ömu rächt gnosse 🙂