Selfies
I bi nid diä wo vieu Selfies macht, aber zwüschdüre chas durchus luschtig sy. Bi disne Selfies sy drü Jahr derzwüsche.
Chino – Sandras Prömierä
Wöu Pädu und ig ungloublech stouz uf d’Sandra sy, wöu sie sit de Ferie gar ke Windle meh het, hei mir üs öppis überleit um sie chly ds Belohne.
Si het hüt ihri erschti Chino-Vorstellig dörfe erläbe. ,My little Pony‘ het sie durchus fasziniert 🙂
U ig bi o froh gsy, dases so guet gloffe isch – wierd öppe ab jetz immer mau wider öppis ds Luege gäh.
Herbst-Baschteleiä
I freue mi immer wider, weni vom Schaffe hei chume und gseh wi mis Mami mit dä Ching baschtlet het.
Di schöne Herbscht-Biuder hani doch glatt grad müesse ufhänke füre Herbscht izlüte. Gfaut mer sehr 🙂
U sy hei änang eifach gärn…
Sandra Stuhl
Nachdäms jetz öppe Päpu-Stuhl und Mami-Stuhl het gäh (Schnidersitz und s Chind hockt dri für d Schueh azlegge) gits jetz o der Sandra-Stuhl… er isch auerdings no nid so komfortabu 😉
Kunstwärk ir Spieugruppe
Sandras Kunstwärk het grad ä Ehreplatz übercho dahei.
No di letschte Summertäg gniesse
Düre Tag no chly d Sunne gniesse und am Abe mit Fründe zäme sy… wi herrlech 
Ufem Heiwäg vor Spieugruppe…
Italiä
Mir hei es paar wunderbari Täg in Italiä dörfe verbringe. Es isch u schön gsy, warm und gmüetlech… aber durchus o immer mau wider chly asträngend mit dä Meitschis.
Hie es paar Impressione… 🙂
Nachdäm d’Laura und ig d’Sandra bir Spieugruppe abholt hei, hets ä Überraschig gäh für di Chline.
Mir sy zäme ir Beckerei am Bhf Heimberg go beleiti Brötli u ds Trinke choufe und wo d’Sandra het gseh, wo mir wei ds Mittag ässe, het ihres ganze Gsicht gstrahlet 🙂
Mir hei ufem Spieuplatz bim Bahnhof Heimberg picknicket u nachem ässe hei sech di zwöi es Stündli dörfe ustobe. Das isch cheibe guet acho bi de Meitschis.