-
Mir gniesse der Summer 🙂
-
Pädu het uf Ricardo es paar Strassehockey-Chneble inkl Tor ersteigeret. U hets mit der Sandra natürlech grad usteschtet.
-
Da Susi (Schwagers Mami) disi Wuche e runde Geburi het dörfe fyre, sy mir ir Region Luzern iglade gsy im Restaurant Chärnsmatte go ds Brunche/Mittag/Dessert ässe. Dert hets zuesätzlech ä riiise Spieuplatz mit mini-Bähndli u Karussell etc. aso diversi Sache wo d’Ching u fröid hei. Ds Ässe isch fein gsy u d’Ching hei o ä rise Plousch gha.
-
Geburi-Gschänk
D’Sandra het hüt ihres Geburi-Gschänk vo üs iglöst. Mir hei ihre ufem Ponyhof Sturmwind s Interlake e Rittstund gschänkt. Da isch vo Rössli parat mache über gfüehrts Ritte bis zu Rössli versorge u Gudi gäh aus mit drinn (ca 50 Min). Zersch het sy chly berüehrigsängscht gha u isch chly skeptisch gsy, aber das isch…
-
I bi hüt ds Chonufinge go Chinder hüete. Aso Urs, Sara u üsi zwöi. Damit der räscht vor Familie cha Susis(Schwagers Mami) Hab und Guet zügle.
-
D’Sandra u der Päpu am Lego Friends zämesetze wo si zum Geburi vo Götti Mike het übercho.
-
D’Sandra het ihre viert Geburtstag dörfe fyre. Si hets u gnosse. Es hei leider ä paar Lüt uf Grund vo Chrank oder Püetz nid chönne cho. Aber d’Sandra het sech über aui und aues andere u gfreut 🙂 si het ä tolle Tag gha.
-
Bimne Bsuech bi Manus Eltere het d’Sandra mit Sara u Urs im Garte e Schnägge-Stau bastlet u öppe es Dotze Wybergschnägge igsammlet.
-
Dr’Sandra isch uf dr’Toilette bim zwüsche de Scheiche abeluege blöderwys grad e Nuggi dry ache gheit. Mi het’s fasch tätscht vor Lache, sie hingege gar nid…
-
Mir sy d’Spiugruppe Spatzenäscht in Heimberg ga aluegenu d’Sandra het sech sofort wohl gfüeuht und mit angere Ching afa spiele. D’Laura het sech de gäge Schluss, wo weniger gloffe isch, o getrout säuber z’erkunde und spiele.