-
Nachdem mir ir letschte Zyt d’Sandra immer mau wieder uf ds’Häfi gsetzt hei, isch hüt ds’erschte Mau o öppis dri.
-
Ds’Bäbi-Bettli us Manu’s Chindheit isch bir Sandra dr’Renner. D’Bäbi müesse itz zwar fasch 24 Stung pro Tag pfuuse, aber ds’Bett wird immer hin u her gschleipft damit’s ir Nechi isch/blibt.
-
Mir sy aui zäme bim Frouearzt gsy u hei gluegt u gstuunet wie wit Pfupf isch (mä erkennt scho so viu), und hei derbi o grad erfahre, dass mir es zwoits Töchterli, bzw es Schwösterli, überchöme. Päpu bliebt Hahn im Korb 🙂
-
Das isch es richtig schöns Wuchenend gsy. Mir hei e sehr agnehmi Zyt mit guete Fründe, feinem Ässe und sogar chli Sunne (aber no nid brenntig) dörfe gniesse.
-
I ha mir spontan es verlängerets Wuchenend frei gno damit mir chli chöi ga campe, und so sy mir itz uf dr’französische Site vom Lac Leman in Excenevex acho.
Das Ganze isch sehr spontan z’stand cho nachdem i afangs Wuche vo Mike (Sandras Götti) bi agfragt worde ob mir nid o Luscht hätte, sie syge sowieso scho dert und üs würds sicher o gfaue.
-
D’Sandra het es erschts Mau dörfe dusche anstatt bade. Zu üsere Überraschig het’s ihre sehr guet gfaue – sogar so guet dass ds’Theater ersch bim usecho het agfange.
-
Bi so guetem Wetter hei mir dr’Sandra ihre Pool im Garte ufgsteut und es paar Centimeter Wasser dri ta. Sie het nid würklech wöue dri ga bade, isch aber nid müed worde mitem Wasser z’chosle.
-
❤️ Härztön
D‘ Sandra und ig sy hüt bim Frouenarzt gsy. Mir hei d Härztön vo ihrem chline Gschwüsterti chönne lose. Diä vor Sandra hei mer du ono glost und d Sandra het no chly mitem Grätli dörfe umespile – was me ihre natürlech nid zwöi mau het müesse säge 😉 Am Bebe geits guet, diä gmässne…
-
Sandra het ihre 2. Geburtstag bi schönem Wetter chönne fyre und sichtbar Spass gha derbi. Viele Dank aune wo ihre gratuliert hei oder grad säuber si verbi cho.
Und no es Video vo de erschte Momente vor Sandra und ihrer Spiuzüg-Chuchi: https://youtu.be/mmk60X2YMzk
-
Bereits ei Tag vorem Geburtstag sy ds’Gotti Andrea, Mischu, Urs und Sara verbi cho zum mit dr’Sandra ihre Geburtstags z’fyre.