-
Bi dem schöne Wetter hei mir üsi chürzlech gchoufti Wasserballon-Abfüllmaschine usprobiert und dr’Sandra totau a die 100 Wasserballön gmacht 🙂 Sie het viu Freud gha a de Ballöne und dr’ganz Rase abgschosse.
-
D’Hockey-Saison het agfange miteme Match us dr’Champions Hockey League – IFK Helsinki gäge üse SCB. Am 9. Septämber geit de o d’Regular Season wieder los. Hach, wie mir üs druf freue!
-
Jetz isch doch üsi chlyni (grossi) Bohne scho 89 cm gross! Mir sy hüt no es letschts mau vor der Geburt vom Bebe zur Müettereberatig. D‘ Sandra entwicklet sech sehr guet. Gmäss der Entwickligskurve isch sy jetz für ihri 2 1/4 Jahr mit de 89 cm eher e Grossi. U rede düeg sy o eher überdurchschnittlech guet für ihres Auter.
-
Trotz em Hudu-Wetter bini mit dr’Bohne zum Zulgspitz füre gspaziert (i meh aus sie). Ungerwegs het sie viu Freud a de Glungge bewiese – syg’s mit drigumpe oder schüsch chosle. Aber o schüsch isch üs nid längwilig gsy ungerwegs.
-
Syt 2 Nächt pfuuset d’Bohne nüm im Schlafsack sondern het itz e eigeti Dechi. Mir hei zwar ds’Gfüeu dass sie viu z’heiss het so, aber sie wott sech partout nid abdecke…
-
Ursli, üse Götti-Bueb, het si 8. Geburtstag gfyret und zum Fescht iglade. Happy Birthday Urs!
-
D’Sandra het mi vou verwütscht wo sie hingerem Rügge e Gägestand plötzlech vor einte i die angeri Hand ta het. Und sie het’s grad so guet begriffe, dass sie nid jedes Mau wechslet so dass mä würklech nüm cha sicher sy.
-
Syt es paar Wuche hani am Sirup abgschwore und aromatisiere mis Mineral itz miteme Sprutz Zitrone-Süüri, was wiederum d’Sandra o geng gluschtet so dass sie wot probiere.
Itz isches mir glunge es Video z’mache wie sie chli Zitrone-Süüri schnouset:
-
Vieu Bsuech
Hüt Nammittag hei d‘ Sandra und ig d Bude vou Lüt gha 🙂 Nachdäm churz nachem Mittag s Grosi vo der Sandra isch verbicho, sy im spetere Nami no mi Götti Fritz mit syre Frou der Renate und syre Muetter d Elisabeth (d Schwöschter vo mim Grossvati sel.) usem Thurgou es Bsüechli cho mache. Es…