-
Mir sy u stouz uf d’Sandra, wie guet sie ihre Part vom grössere Schwösterli übernoh het. Sie wott überau häufe und derbi sy. U mir versueche ihre o möglechst weni Grund ds gäh zum ifersüchtig sy.
-
I ha es chlises Video chönne mache wie d’Bohne mit ihrne Bäbi spiut u chüderlet. E seuteni Freud woni schüsch nid glich mitüberchume.
-
Ds’Bond-TrippTrapp isch cho und d’Sandra u ig hei drufabe meh aus e haub Stung lang üse Spass gha und mit dr’Karton-Chischte umeglölet. Es macht Freud wieder chli Ching z’sy.
-
I ha mi hüt so chli aus Guafför versuecht, mit meh Erfoug aus initiau erhofft. D’Manu het scho gwitzlet i heig „mini Bruefig verfäuht“ 🙂
-
Irgendwie hani hüt es déjà vu gha… Hami durchus i Mai 2013 zrüggversetzt gfüeut.
-
Woni mit dr’Sandra bi ga kömerle het sie unbedingt ufeme schmale Simsli (ca 8cm) wöue balanciere und mi de o grad verblüfft het wüu sie’s gmacht het aus wär sie nie angers gloffe.
-
Nach wenige Tag mit dr’Laura erschynt mir d’Sandra grad mindestens es haubs Jahr älter worde z’sy – sie macht aber o grossi Fortschritte i aune mügleche Bereiche. I bi so stouz uf mi Hüehnerhuufe 🙂
-
Ah, und für aui wo Interesse hei üs cho z’Bsueche, dir syt härzlech wiukomme. Bis am 15. Nov. isch Pädu ebefaus dr’ganz Tag daheime.
-
Mir sy daheime acho und hei üs o grad sofort guet iglebt. D’Sandra isch e Schatz vo grosser Schwoscht und immer sehr hiufsbereit und fürsorglech. Zuesätzlech faht d’Laura meh und meh afa d’Ouge uftue und umezluege. Es isch e wunderschöni Zyt so.
-
D’Sandra isch ihres chline Schwösterli cho bsueche und het d’Laura ganz schnäu i ds’Herz gschlosse.