-
Mir sy mit dr’Familie Moor uf Heimeschwand ueche ga brunche u hei so schöns Wetter bi super Ussicht chönne gniesse. Glichzytig heino grad Gotte u Götti, sowie Gotte- u Götti-Meitschi chönne ihrer Gschenk übergä.
-
U no grad einisch hei mir bi üs zu Raclette iglade. Diesmau hei mir mit dr’ganze Site vor Manu zäme gfyret, was zure ordentleche Päckli-Sammlig gfüehrt het (obwou mir unger üs ja scho hei beschenkt).
-
Zum Wiehnachts-Fescht sy mis Mami u dr’Brösi zu üs cho u gmeinsam hei mir e gmüetleche Abe miteme feine Raclette verbracht.
-
Mir hei Sandras Hochbett no chli erwiteret und en Art Vorhäng dra ghänkt wo us dr’ungere Etage es Spiu-Hüsli mache. D’Sandra het cheibe Freud dranne u ladet üs immer wieder i ebefaus drunger z’schnagge.
-
Nachdem i üse Wiehnachtsboum ir Stube ufgsteut ha, het d’Bohne iri LEGO ghout und e chlinere Boum bastlet wüu sie bim Grosse ja nid wird ufemöge zum schmücke.
-
Mir hei bereits üses erschte Wiehnachtsfescht bi mim Mami und em Brösi in Schenkon dörfe fyre. Es isch schön gsy u d’Sandra het sech riesig gfreut über irer Gschenkli.
-
Es isch härzig, wie sech d‘ Sandra über ihre Adventskaländer freut u sech jedes Mau ganz lieb fürs Päckli bedankt.
-
D‘ Marianne het mir ihres Brätzeli-Ise usglehnt. D‘ Sandra und ig heis am Dsischtig mau usprobiert. Für mis erschte Mau Brätzele, si sie rächt guet usecho. Auerdings isch die erschti Ladig scho fasch ufgässe, muess auso sicher no Nachschueb häre 🙂
-
Obwou bereits Dezember isch, hei mir dr’Grill fürepackt und säuber Burger gmacht mit Haguhans-Burger vom Metzg (die sy ca 150 g pro Fleisch). Het richtig geili Burger gä wo so dick sy worde dass Chiefer-Usrenk-Gfahr bestande het 🙂
-
I finges schön wie sech üser Töchtere scho itz so guet zäme verstöh. Mir hoffe natürlech, dass das no lang so wird bliebe (zur Schonig vo de eigete Nerve :)).