-
D’Sandra het ds’Chatze-Fuetter entdeckt und fingt’s schynbar no so fein. Sie suecht ömu geng wieder dr’Weg zu de Gschirli.
-
Endlech hei mir chönne zueluege wie d’Sandra säuber ufhocket. Bis itz hei mir’s ja geng grad blöd verpasst – sie het nid lang z’chnorze derzue.
-
Diese Morge isch d’Sandra zum erschte Mau vo ihrem Grosi ghüetet worde, während d’Manu es Probeschaffe gmacht het.
Aui Beteiligte hei nume guets wüsse z’verzeue. We d’Manu de Job überchunnt, de wird d’Bohne wüchentlech ds’einte vo beidne Grosis gseh. Ds’angere Grosi wohnt derfür viu nächer 🙂
-
Syt churzem isst d’Sandra zum Znacht us ihrem eigete Teller u itz hei mir o agfange ihre e Löffu id’Hand z’gä damit o sie so cha wie mir.
-
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.
-
Bi üsem Bsuech in Schenkon het d’Bohne sich es ersts mau vo „ufem Buuch“ chönne ufhocke. Leider hei mir aui dr’Moment verpasst – sie isch eifach plötzlech ghocket.
-
So langsam wachst d’Sandra us dr’Baby-Wanne vom Chinderwage drus; u so ha ig mi entschlosse doch dr’eigetlech Sitz z’montiere. Isch viu ringer gange aus die im Lade das hei gloube gmacht 🙂
-
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂
-
Hüt het d’Sandra ihres erschte offizielle Wort gseit: „Päpu“. E gwautige Moment!
-
Ab hüt gits Rande im Mittagsbrei! Mmhm fein … 🙂