-
Da mir itz regumässig tüe Zähn putze mit dr’Sandra hei mir o es Zahnputz-Lied gsuecht und sy fündig worde 🙂
-
D’Sandra und ig hei üs hüt Nami der Chariot packt und sy när chly auf Achse gsy. Zersch sy mer zum Swiss Fun Rent s Stäffisburg, womer der Chariot här hei u hei s Bebemätteli gäg die nächschti Grössi tuscht. U nachem z’Vieri sy mer no i MacBaby chly go Outositze aluege. Es isch u luschtig gsy mit ihre ungerwägs. Si isch bau nonstop im Ahänger am umesinge gsy u het es rise Fescht gha 😉
-
Syt wenige Tag isch üses Meitschi fliessig am Liegestütze mache u lüpft ihre Buuch scho tou id’Höchi. Nüme lang u när klappet o das mitem Schnaagge.
-
Die kommende Zähn wei o putzt wärde… Mir hei feschtgsteut, dass es nid nur ei sondern zwe Zähn si, wo unge chöme 🙂 u dä rächts isch jetz scho es bizli sichtbar, da hani mer doch dänkt, mir mache d Sandra hinech mit ihrem Zahnbürschtli u Zahnpaschta vertrout. Si het s Zahnputze sehr interessant gfunge.
-
Vouer Freud hei mir üs ufe Weg nach Schenkon gmacht zum mim Mami zum Geburi z’gratuliere. Grosi u Grösi isches aber fasch meh um d’Sandra gange 🙂
-
Dr Früehlig chunnt! Bi üsem usgiebige Spaziergang, womer hüt hei gmacht, hei mer so richtig dr Früehlig gspürt, wo ir Luft isch gsy! Mir hei das herrleche Wätter gnosse 🙂
-
I ha hüt d Badehiuf usteschtet, womer chürzlech hei gkouft, da d Sandra mitem Bebe-Badwänndli so fescht het afa umeplansche, dass si die haubi Chuchi unger Wasser gsetzt het 😉 I bimer no nid ganz so sicher, wasi vo dere Badehiuf haute. Gäbig isch sicher, dass me s Bebe nid die ganz Zyt muess häbe…aber ds Wäsche isch nid ganz so eifach, wesi i däm Ding hocket.
-
Bereits am Mändig entdeckt…aber jetz bi ig mir ganz sicher: D Sandra überchunnt e Zahn (unge rächts). Zur Zyt isch sy desswäge rächt hüfig quängelig -leider o ir Nacht- u isch aube wider chly ruhiger, wesi dr Zahngel drann het. I fröie mi aber, de cha si de gly richtig bisse 🙂
-
Genau nün Mönet aut isch sy jetz üsi chlini Bohne. Wachst u gedeiht, schnagget sitwärts u rückwärts, hockt ohni hiuf (aber no nid ohni Chüssi wägem hingeregheie), dräiht sech vom Buch ufe Rügge, brabblet wienes Buech, seit Mami u Päpu – zwar no nid klar, aber mir wüsse, wenn mer gmeint sy, isst jetz scho drü Mahlzyte u das ohni d Nase z rümpfe – im Gägeteu … Mir hei u fröid u es isch schön z gseh, was sy für Fortschritte macht.
-
So, sit em Mittwuch hei mer d Abemauzyt chönne ifüehre – Griessbrei (resp Getreidebrei). Nachdem s am MI u DO nid ganz so isch usecho, wie ig mir das vorgschteut ha, hei mer du när d Miuch vo üsere bisherige Milch Drink uf Vollmilch umgsteut – und siehe da, mit gnue Fettghaut ir Milch glingt o der Griessbrei. D Sandra het o dä (auso wie aus wosi z Ässe überchunnt) u gärn – nur muess sech der Körper da haut o zersch dra gwöhne.