-
Mit viu Müeh und Fantasie hei mirs gschafft und us dene Buechstabe (und Zahle) chönne Sandra Leia, sowie 17. 05. schrybe. Die restleche Puzzleteili hei mir när eifach no irgendwie häre ta.
-
Ds’Grosi und dr’Grösi hei üs es Bsüechli abgstattet. Da ds’Wetter isch guet gsi, sy mir du o no grad chli ga loufe – bis zum Zulgspitz u ume zrügg.
-
Mir hei e Spielmatte gfunge für d’Sandra. So cha sie eifach am Bode liege und umespiele, schnaage et cetera und isch glich nid direkt ufem Steibode. Die viele Farbe gfaue ihre gloub o guet
-
Üsi chlini Bohne plouderet immer meh und meh. Im Moment isch „Tätätä … tä“ grad sehr höch im Kurs.
-
D’Sandra u ig hei hüt mau wider e Termin bi der Müettereberatig gha. Si isch jetz bereits 8.63 kg und 69 cm. Ungloublech, wie schnäu dases geit. Am Nammittag het si no Naturejoghurt lehre kenne. I hare chly bloss z Probiere gäh, bevor is bi ihre is zVieri ha gmischt. Ihri Reaktion: „mmmmmhhmmmm“ – u grad wider s Müli ufgrisse für meh 🙂
-
Mir wünsche aune üsne Verwandte u Fründe e guete Start i ds’neue Jahr u freue üs euch o i däm Jahr wieder z’gseh.
-
Nachdem üses Meitschi die letschte Wuche nume Konserve-Fleisch het übercho, het’s hüt richtigs Fleisch gä – d’Würstli wo Götti Mike ihre mitbracht het. Zu üser auer Freud isch sie Fründ vo Fleisch u isst’s gärn u „viu“.
-
Üses Meitschi wachst u wachst, drum hani hüt mau d’Chleider vom 68 gäge ds’74gi ituscht. Bis uf es Dotze Chleidli isch jetz dr komplett Schaft uf die nächschti Grössi umgrüschtet. Zum Teu si die Chleidli aber scho komisch usgmässe. Es git Oberteili, da chame grad dr ganz Ärmu umelegge, damit d’Hand nid verschwindet 😉
-
Hüt sy Moors mit Gipfeli zumne Brunch verbi cho u so hei d’Sandra u ihre Götti, dr’Mike, chönne Päckli tüschle.
-
Üses letschte Wiehnachte hei mir im Kreis vor Familie Eggimaa gfyret – emne wahre Generatione-Treffe vo 0.6 bis knapp 85 Jahr.