-
Sterrys hei iglade zumne feine Wiehnachts-Ässe mit Familie und Fründe. Ds’Highlight vom Abe isch dr’Moment gsy wo d’Ste es Päckli für sie nid säuber het wöu uspacke sondern ihres Gotte-Meitschi (d’Sandra) het la uspacke.
Wenns um Päckli geit, de überfaut mini Schwoscht e Neugier und es Kribble, so dass niemer vo üs so Recht het wöue gloube vo was mir da grad Züge werde 🙂
-
Am Morge bim spiele het sech üsi chlini Bohne zum erschte Mau säuber vom Buuch chönne ufe Rügge dreihe. Dr’väterlech Stouz drückt us aune Pore.
-
D’Bohne het ihres erschte Wiehnachts-Fescht bi Grosi und Grösi in Schenke chönne erlebe. D’Päkli hei sie auerdings no nid so interessiert, isch sie doch bim Uspacke am pfuuse gsy 🙂
Dr’Päpu het dr’wou bescht Lebchueche mit Autobahn-Vignitte übercho:
-
Üsi chlini Bohne het’s zum erschte Mau gschafft eine vo ihrne Zäihe i ds’Muu z’näh; u het viu Freud dran gha 🙂
-
Das war’s nun. Gester Morge hani der Sandra die letschti Still-mahlzyt gäh. Irgendwie scho chly Achterbahn der Gefühle, weni dra dänke, dass es jetz fertig isch. Ächli truurig, dass es düre isch, aber o glücklech, dass i jetz mi Körper wieder für mi ha.
-
Nachdem i geschter ha chönne ds’TrippTrapp i de Einzuteili entgäge näh, het d’Bohne hüt zum erschte Mau chönne drihocke i ihre neu Sitz wo se für es paar Jahr wird begleite.
-
Mir sy mitere Tschuppele Fründe dr’zwoit Teil vom Hobbit ga luege (er het guet gfaue), während d’Bohne bi de Grosseltere isch bliebe und vo ihne isch ghüetet worde.
-
So, jetz isches sowit. D’Sandra isst jetz o Fleisch. Mi tüecht zwar, die Glesli mit Fleisch dinne, schmöcke irgendwie wi Chatzefuetter… Aber d Sandra hets guet gfunge. Si het ömu ihres zMittags-Schüsseli läärputzt 😉
-
Sit em Sunnti gits jetz zVieri e Öpfu-Banane-Brei. Afänglech het d Sandra dr Gschmack komisch gfunge…aber hüt het si s ganze Schäli möge.
-
Mir hei es chlises Reisli id’Innerschwiz gmacht und hei ds’Grosi u dr’Grösi bsuecht. E Bsuech wo jung und älter (:)) het möge begeischtere.