-
Mir hei es spontans Bsüechli bim Grossmami und em Äti gmacht. Die Zwoi hei sech fescht gfreut ds’jüngschte Grossching z’Bsuech z’ha – und o d’Bohne het viu Freud gha.
-
Üsi Bohne het ihri Füess entdeckt. Bsungers lustig finge mir dass sie chuzelig isch und sech bim Füess chafle säuber chuzelet u drum när geng muess gugele.
-
Üses Meitschi isch scho fliessig am brabble. Mir si eifach no nid so sicher was sie üs wott verzeue 🙂
[audio:http://outtakes.ch/wp-uploads/Bohnegebrabbel.mp3 |titles=Üses Meitschi verzeut |initialvolume=100]
-
Nachdem ds’Gabi am Wuchenend het Geburi gha, aber mir nid hei chönne gratuliere, sy mir haut hüt verbi und hei üser Glückwünsch verbi bracht. Und d’Bohne het o wieder mau ihre Götti Mike gseh.
-
Mir sy ga d’Gotte Ste und dr’Unkle Jerry (Sterrys) bsueche. Bim gmeinsame Choche hets e Familie-Spezialität gä: Cervelat-Forelle. Da chöme Erinnerige a die eigeti Chindheit 🙂
-
Sandra u mini erschti gmeinsami Mahlzyt am Tisch 🙂
-
Tag 2 vo üsem Reisli – Mir si im Vormittag bi mire Oma und em Rene ga käfele. Im Namitag si mir bim Götti Willi und sire Frou Barbara in Winterthur verbi.
450 Kilometer im Auto hocke hei mir scho möge merke, aber das isch e chline Priis für d’Freud wo mir dran hei (und o d’Freud wo mir üsne Gastgeber hei chönne mache). Ufem Heiweg hei mir spontan no e chline Umweg gmacht und si bim Grosi (mim Mami) ga verbiluege 🙂
-
Tag 1 vo üsem Ost-Schwyz-Wuchenend: Mir si bir Gotte Bigi und Familie in Stamme z’Bsuech gsi, hei e gmüetleche Abe zäme chönne verbringe und o grad bi ihne übernachte.
I ha o wieder mau mini Cousine und Cousins gseh. Das isch ds’letschte Mau o scho chli länger her…
-
Syt wenige Tage lernt üsi Bohne meh und meh säuber z’sitze. Zum Teil het sie zwar no chli Seegang und heutet sitlech, aber es wird immer besser.
-
Da d’Sandra ir letschti e rise Hunger schint z ha, hei mir hüt mau es Rüebli zu Mues gmacht und üs chly dra häretaschtet. Si het ömu guet mitgmacht o wesi äuä dere Sach scho no nid so trout het.