-
Mir hei e gmüetleche Tag am Strand verbracht und d’Töchtere hei sech dörfe mit Sand (und Salz-Meer) vertrout mache. Dr’Sand isch dr’Hit für die Chline, aber ds’Meer behagt ne no nid so.
-
Mir hei üs mit Pidu (mi Götti) u sir Frou Therese troffe und sy zäme fein ga zNachte und hei derbi dorfet über Lloret, Spanie, Ferie u schüsch no auerlei.
-
Nachere lange Fahrt sy mir itz in Spanie acho und hei o grad üse Bungalow chönne bezieh. Ds’Wetter isch bombig (über 30° und kener Wouke).
D’Fahrt isch sehr guet gange. Mir hei kener Problem gha ungerwegs – weder Stou, verfahre, no quängelndi Ching).
-
Syt Afangs Juli sy d’Manu u ig mehrmaus pro Wuche am fitte (mit Freeletics). Soebe hei mir d’Hell Days abgschlosse – 3 Trainings-Tag mit meh Repetitione pro Üebig wo eim o mental über d’Grenze söue bringe.
Totau het d’Manu i de letschte 5 Tag (3 Trainings mit je 1 Tag Pouse) fougendes absolviert: 245 Situps 175 Crunches (vereinfachte Rumpfbeugen) 450 Climbers 75 Mountain Climbers (vereinfachte Climbers) 75 HH Squats (Helfende Hand Kniebeugen) 260 Lunges 85 Burpees (Pädus Hass-Übung) 100 Sprawls (vereinfachte Burpees) 105 Straight Leg Levers 100 HH Leg Levers (Helfende…
-
Es isch ganz härzig, wie d’Laura im Moment aues hin u här rumt. Si schnagget mängisch i Sandras Zimmer u tuet zersch ufrume was am Bode ligt, bevor si füre rumt, was ihre grad so is Oug sticht 😉 Ds Ufgrumte befindet sech haut zum Teu nid ganz dert, wos de o häreghörti.
-
D’Sandra isch hüt so blöd mitem Kopf ine Kante gheit, dass sie i Notfau het müesse und mit drüne Stiche isch gnäit worde. Aber sie isch sehr tapfer gsy u het guet häregha und so de Mediziner d’Sach sicher o vereifacht.
Hie es Biudli nachem ,Zämeflicke‘. Ds Biud ,davor‘ wei mer nech erspare…
-
Grosi u Grösi hei ume eis die ganzi Jungmannschaft zum Grille z’Schenke iglade – es het guet gmundet und so hei mir o ume eis Brösis Söhn gseh, was schüsch ja o nid eifach so passiert.
-
I ha hüt vom Pädu zu üsem 10 jährige Jubiläum ä wunderschöne Bluemestruss übercho. 🙂
-
Isch das herrlechs Wätter gsy! Mir hei hüt no s Grosi ds Bsuech gha u der räscht vom Nami het d‘ Sandra im Bassin verbracht.
-
Auso, für dass es ufem Uswiszäntr het gheisse, am 28.6. chöm de d’ID vo der Laura, sy sie extreeem tifig gsy. Hüt isch die scho ir Post gsy.