-
Manu het mir zur Wiehnacht zwe Itritte füre Daniele Ganser gschenkt; und hüt isches sowit gsy. I ha dr’Abe sehr gnosse u finde ihn ä interessante u ungerhautsame Referent.
Am Dr. Daniele Ganser sys Programm „Am Anschlag“ isch derbi haub Satire, haub Vortrag über zytgenössischi Gschicht. Er zeigt ahand vo vergangene Ereignis wie ds’Volk isch manipuliert worde (zB während de Golf-Chriege) und zieht derbi o immer wieder Parallele i d’Gägewart, was eim durchus d’Ouge öffnet. Wär sech derfür interessiert fingt uf syre Homepage mitunger sogar es paar ufzeichneti…
-
Mir sy ar Fasnacht gsy aus Addams Family – und mou, mir hei viu Lob, Kompliment und Foto-Afrage übercho. So macht das würklech extrem Spass 🙂
-
D’Laura darf jetz d’Outofahrte o im neue Sitzli gniesse. U sie fingts toll, dases jetz vorwärts fahrt.
-
Nach mängem Jahr vor Planig het’s itz ändlech klappet zumne „Cousinen und Cousins“-Treff. Es isch sehr interessant gsy aui die Gsichter wieder mau z’gseh – Einzelni gseht mä ja ab und zue, Angeri hani syt mängem Jahr nüm troffe gha.
-
Mir sy agfragt worde ob mir würde mitmache üs z’verchleide mitere Fasnachts-Gruppe für d’Fasnacht in Thun. Hüt hei mir üsi erschti Houptprob gha, und mou, das gseht vei guet us.
-
Mir hei üses erschte Wiehnachte in Schenkon gfyret bi mim Mami und em Brösi. Nachem Fest het de d Sandra grad dörfe es paar Tag bi Grosi u Grösi i de Ferie bliebe.
-
Alle Jahre wieder….
Oder angers gseit: o dises Jahr, darf sech d’Sandra über vili vili Päckli freue. I hamer d Püetz dises Jahr chly vereifacht und ha farbegi Täschli gkouft u ha d’Gschänk i Stopfwatte ipackt. I freue mi scho jetz uf Sandras Gsicht morn am Morge (nur schad, dass sech d’Täschli geng wägdräie). Vorauem wesi uf aues…
-
Ändlech ha o ig mit der Sandra güetzelet. Sit sy vor 10 Täg mit mim Mami het dörfe güetzele, isch sy mer i de Ohre gläge dermit. Sie het ä riise Freud gha drann 🙂
-
Di armi Laura… Het hüt vormittag aues vo sech gäh, was sie i ihrem chline Mage drinn het gha. Ke Ahnig, was das fürne Spontani-Erbräch Aktion isch gsy. Innert churzer Zyt het sie säch aber vo fiebrig u müed wider erhout u isch bis am Abe bereits wider rächt fit gsy – u o sehr hungrig.
-
Nach 36 Jahr BERNMobil isch dr Ueli Eggimann (dr Ätti) i Pension gange. Mir hei ihn zum Zmittag mitere Tramfahrt im Fondue-Tram überrascht (leider ohni Fondue) u am Namitag het er de no zum Apero glade.
Ir grosse Pouseruum vo BERNMobil hei de Uelis Grossching sech am Töggeli-Chaschte versuecht. https://youtu.be/OiIaZwULZDw