-
D Sandra nimmt inzwüsche ihres Puzzlemätteli scho rächt tifig usenang…u innert churzer Zyt cha sech üses Wohnzimmer ines chliners Chaos verwandle. Si het d Buechstabe u Zahle o scho em Gizmo schmackhaft wöue mache … dä würd sofort häufe spile (wesi nid so würd umefuchtle dermit).
-
Pädu het gester u hüt s Näscht ghüetet mit Fieber u Ercheutig u d Sandra isch o wider verschnuderet… Mir fäut komischerwis gar nüt… Normalerwis bini di erschti wo nid zwäg isch.
-
I hami hüt im Globus la schminke. Zur Wiehnacht hani vo mire Gotte Beatrice es super Schminkset vo Lancome übercho und dr Globus het äbe so o grad iglade, fürnes uftrage vom MakeUp. Isch cool gsy u mit em Resultat bini o sehr zfride.
-
Ab hüt gits jetz es Momentli Pastinake aus Gmües für Sandras zMittag. Si schints genau so gärn z ha wie ig…wobi si mi scho müehsamer hei tüecht zum Rüschte u Schnäbserle aus d Rüebli.
-
I ha dörfe mi Geburtstag fyre. Mir hei d Wohnig vou Lüt gha. Es isch schön gsy, si so viu verbicho. Es isch e schöne Tag gsy.
-
D’Manu u ig hei e Rundi „Pandemie“ gspiut. Nach sehr guetem Start het ds’Spiu sech gwehrt u innert 2-3 Rundi sy mir churz vorem Verliere gsi. Mir heis de aber nomau chönne chehre u d’Wäut rette.
-
Ja, die Spiumatte isch echt dr’Hit. Sie isch so interessant, dass d’Bohne die einzelne Teili doch lieber no chli genauer möcht aluege… und entsprechend d’Matte usenang nimmt.
-
Mir si Manus Eltere, Sandras Grosmami und Äti, ga bsueche, da mir üs scho es Zytli nüme gseh hei, und hei es feins Fondue zäme gässe.
-
Mir hei e wyteri Charte vo/zu üsem Hochzyt übercho. Diesi isch mit „Liebi Grüess, Ig“ ungerschrybe worde 🙂 Viele Dank em „anonyme“ Absender, mir hei guet glachet.
-
Itz plötzlech faht d’Sandra bim Ischlaf-Liedli a mitsinge. Sie nutzt zwar nume 1 Ton, aber das kompensiert sie mit Lutsterchi. D’Manu gheit regumässig drus vor Lache