-
Sterrys hei iglade zumne feine Wiehnachts-Ässe mit Familie und Fründe. Ds’Highlight vom Abe isch dr’Moment gsy wo d’Ste es Päckli für sie nid säuber het wöu uspacke sondern ihres Gotte-Meitschi (d’Sandra) het la uspacke.
Wenns um Päckli geit, de überfaut mini Schwoscht e Neugier und es Kribble, so dass niemer vo üs so Recht het wöue gloube vo was mir da grad Züge werde 🙂
-
D’Bohne het ihres erschte Wiehnachts-Fescht bi Grosi und Grösi in Schenke chönne erlebe. D’Päkli hei sie auerdings no nid so interessiert, isch sie doch bim Uspacke am pfuuse gsy 🙂
Dr’Päpu het dr’wou bescht Lebchueche mit Autobahn-Vignitte übercho:
-
Das war’s nun. Gester Morge hani der Sandra die letschti Still-mahlzyt gäh. Irgendwie scho chly Achterbahn der Gefühle, weni dra dänke, dass es jetz fertig isch. Ächli truurig, dass es düre isch, aber o glücklech, dass i jetz mi Körper wieder für mi ha.
-
Mir sy mitere Tschuppele Fründe dr’zwoit Teil vom Hobbit ga luege (er het guet gfaue), während d’Bohne bi de Grosseltere isch bliebe und vo ihne isch ghüetet worde.
-
So, jetz isches sowit. D’Sandra isst jetz o Fleisch. Mi tüecht zwar, die Glesli mit Fleisch dinne, schmöcke irgendwie wi Chatzefuetter… Aber d Sandra hets guet gfunge. Si het ömu ihres zMittags-Schüsseli läärputzt 😉
-
Sit em Sunnti gits jetz zVieri e Öpfu-Banane-Brei. Afänglech het d Sandra dr Gschmack komisch gfunge…aber hüt het si s ganze Schäli möge.
-
Üser Spiu-Abete klappe guet u finge regumässig statt. Diesmau hei mir zersch bim Match mitgfieberet u aschliessend hei mir tichlet (Tichu gspiut).
Mir sy eigetlech e grossteils unerfahreni Rundi gsi u so het sech lang niemer gwagt e Tichu a z’säge (sobaud me z’erschte mau dra chunnt z’bhoupte dass me die Rundi wird gwinne). Recht spät im Spiu hani de doch es Blatt gha woni mi uf d’Äst ha usegwagt dermit – u ha de das o…
-
Mir hei es chlises Reisli id’Innerschwiz gmacht und hei ds’Grosi u dr’Grösi bsuecht. E Bsuech wo jung und älter (:)) het möge begeischtere.
-
Mir hei es spontans Bsüechli bim Grossmami und em Äti gmacht. Die Zwoi hei sech fescht gfreut ds’jüngschte Grossching z’Bsuech z’ha – und o d’Bohne het viu Freud gha.
-
O diese Winter si mir z’Thun a Märit und hei chli kömmerlet und si drufabe no bi Reby und Lüku ufenes Kafi verbi.