-
Da d’Sandra ir letschti e rise Hunger schint z ha, hei mir hüt mau es Rüebli zu Mues gmacht und üs chly dra häretaschtet. Si het ömu guet mitgmacht o wesi äuä dere Sach scho no nid so trout het.
-
Mir hei d’Monika und dr’Ueli zumne Tartare-Huet iglade bi üs. Das isch eifach scho es feins Znacht, o wenn d’Hütte när schmöckt… 🙂
-
Üser Dankes-Charte für d’Hochzyts-Gschenk si fertig u müesse itz nume no uf d’Post.
-
Star Wars i üsem Wohnzimmer: Princess Leia vs Wicket, wär gwinnt äch dä Kampf 😉
-
I ha dr Pädu hüt mit eme zNacht ir Krone z Thun (dert hei mer nach dr zivile Hochzyt gässe) chönne überrasche. Es isch, wie o scho im Apriu sehr fein gsy. U zuesätzlech isch für mi Prömiere gsy, dass öpper angers (Reby) zu der Sandra luegt.
-
Üser Hochzyts-Fotos si acho und mir hei se grad mitgno uf Schenkon zum mit mim Mami und em Brösi chönne aluege.
Itz mache mir üs ad’Gstautig vo üsere Dankes-Charte wo dir i absehbarer Zyt i euem Briefchaschte werdet vorfinde.
-
Und no e zwoite Geburtstag diesi Wuche. O dr’Lüku het iglade zu Speiss und Trunk a sim Namenstag. O dir nume ds Beschte zu dim Geburi, herzlechi Glückwünsch.
-
Mir hei e gmüetleche Abe bi Ueli und Monika verbracht. Sie hei iglade wüu dr’Ueli si 60ischt Geburi het gfyret. Herzleche Glückwünsch, blieb so wie de bisch.
-
O das Jahr si mir wieder am Öpfu-Fescht z’Wichtrach gsi und hei nebscht Öpfle o guete Chääs u Fleisch us dr’Region probiert und igchouft.
-
Wüu mir die letschte Tage durchus chli vo de Emotione vor Hochzyt sy verinahmt worde, het dr’Blog chli glitte drunger. Das isch itz behobe, zrügg blättere lohnt sech 🙂
Auternativ gits o e Uflistig mit aune Hochzyts-relevante Blog-Iträg (Klick uf ds’Tag Hochzyt).