-
Es isch super! Mini uf Ricardo ersteigereti Näimaschine isch hüt cho (nöi u mit 2 Jahr garantie, direkt vomne Bernina-Gschäft). Itz bini vouer Tatedrang…mues aber zersch chli luege, wie sie überhoupt funktioniert. Für mis erschte Projekt hani ömu scho fasch aui Utensilie 🙂
-
Hüt hei mer jetz no z Wyler-Familiefescht gha (nachdäm Eggimann o im September isch gsy). Es isch schön gsy, soviu Lüt mau wider z’gseh, da merkt me wider wie schnäu die Zyt doch vergeit…
-
Ja, o i bi vo de Ladies überrascht worde. Mir si u fein ga ässe. I ha de Abe richtig gnosse. U d Überraschig isch so was vo glunge, i bi fangs 24h vorher uf d‘ Idee cho, dass z gmeinsame go Ässe mit Moors nur e Vorwand chönnt sy.
-
Mir hei Mikes 30. Geburtstag miteme tolle Ritter-Fest gfyret (inklusiv Bogeschiesse u Spanferkel) u ig ha dr’Punkt „Schotterock trage“ vo mire Bucket-List chönne abhägle 🙂
-
Mir hei hüt dörfe am Mike si Geburtstag fiire. Z Fescht het zum Thema Mittelerde / Mittelalter stattgfunge. Es isch es schöns Fescht gsy. I hätt sogar dr Sandra die Wuche es süesses Kostüm baschtlet… Si hets aber scho gly nümm anne gha, wöus süsch z warm wär gsy.
-
D’Sandra wott jetz o Zähn 🙂 Üsem Meitschi tuet doch jetz tatsächlech scho dr eint oder anger Zahn düredrücke.
-
Ds’Reby Moor het Geburtstag gfyret und so hei mir üsi säuber-bastleti Schul-Tüte chönne übergä.
-
Mir hei hüt e Bastu-Abe gmacht, chöi eifach no grad nid viu drüber verzeue 🙂
-
Es het doch länger duuret aus mir denkt hei, doch itz hei mer’s gschafft und dr’Photograf für ds’Hochzyt isch organisiert und aues isch abgmacht.
-
Mir si für ds’Eggima-Treffe bis i Thurgou greist. Es isch es sehr schöns Familie-Fescht gsi – vorauem für d’Manu wo e Teil vor Verwandschaft syt Jahre nüm het gseh.