-
Scho ungloublech, wie schnäu die Zyt vergeit. Erschgrad ischer doch no so chly gsy wie üsi Sandra jetz…
-
Mir sy mau wider bim Chinderarzt gsy. Jetz isch d Sandra scho 57 cm gross und 5930 gramm schwär. Es het die erschte Gigsli gäh u die het si ohni Fieber wäggsteckt. Het bau der ganz Tag nur no pfuuset.
-
D’Sandra u ig hei hüt dr gester gkouft Chariot wöue usprobiere. Leider hets du när grad afa schiffe, woni du ändlech parat bi gsy. Aber d’Sandra isch durchus interessiert gsy, was das nöis isch.
-
Mir hei üs nomau am Brettspiu „Die Zwerge“ versuecht und hei dank apasster Taktik e grandiose Sieg chönne heibringe 🙂 Znächscht Mau erhöhe mir dr’Schwierigkeitsgrad uf jede Fau.
-
Mir hei üs diese Abe mitem Lüku zäme a ds’Brettspiu „Die Zwerge“ gwagt und e doch recht klari Niederlage müesse erliede – u das uf dr’Schwierigkeit Afänger… 🙁 Aber Spass gmacht hets trotzdem u mir werdes wieder versueche 🙂
„Die Zwerge“ isch es kooperativs Spiu wo aui Spieler gmeinsam am gliche Strang zieh zum ds’Spiu z’besiege. Ds’Spiu louft uf Zyt (nach spätestens 48 Spiuzüg isch Schluss) und d’Spieler müesse e Viuzau vo Ufgabe erfüue zum ds’drohende Unheil chönne abwende. Jede Spieler schlüpft id’Rolle vomene Zwerg mit ungerschiedleche Fähigkeite (Kampf, Diplomatie, Handwerk) und mä versuecht…
-
Hüt hani mi du doch mau hingers Fingernegu schnide bir Sandra dra häre gwagt. Es isch viu eifacher gsy ausi ha dänkt, i wierdes aber o es angers Mau wider denn mache, we si am pfuuse isch.
-
Mir hei chli mit em neue elektrische Zahnbürstli umegspiut und d’Bohne het’s chum wöue zrügg gä.
-
D’Manu het e Mikroweue gchouft und hei üs abem Handbuech sehr guet möge amüsiere. Nebst de übleche Verdächtige (kes Tier ir Mikroweue z’tröchne) het üs vorauem o erstunt, dasses VERBOTE isch Kochbüecher im Garruum z’platziere (ds’Handbuech aber genau dert isch platziert worde :)).
Es steit o drinne, dass me d’Mikroweue nume unger Ufsicht darf benutze weme Alkohol oder Medikament gno het. Fingi o nid so schlecht – vorauem itz bi üs düre Summer mitem GrillBiere.
-
D’Manu u ig si üs sicher, dass üsi chlini Bohne bereits chräftig üebt wie meh sech vom Rücke ufe Buch cha chehre. Klappet het’s zwar no nid, aber we sie so witerüebt, de durets nüm lang.
-
I bi hüt ir Privera es Bsüechli mit dr Sandra go mache. D Lüt hei sech sehr gfröit und d Sandra het di ganz Zyt nur pfuuset. Ufem Heiwäg hani z Thun zerscht mau mini ‚Mamamap‘ chönne teschte u bi ir Bahnhof-Apotheke imne Hingerrümli go stiue.