-
Mir hei vo mine Budekollege (de mediacoding Globibänze) es Gschenk mit Charte zur Geburt vor Sandra übercho. Bsungers d’Charte gfautmir sehr guet. Viele Dank.
-
Nach 3 Nächt im Familiezimmer ds’Thun si mir ab sofort (wieder) daheime. Das tuet o guet.
I möcht d’Erfahrig vom Familiezimmer im Spitau uf ke Fau misse. Grad aus Vater isch meh sehr viu meh involviert u informiert was Sach isch und me cha, bzw sött reagiere uf Situatione. Glichzytig het sicher o d’Manu profitiert wüu sie für einzelni Sache mi het chönne um Hiuf bitte. Dür das, dassi o dert…
-
Mir si Eltere – d’Sandra Leia (üsi chlini Bohne) isch da! Es geit ire und üs sehr guet und mir si überglücklech.
-
D’Manu isch hüt wieder bim Frouenarzt gsi u het d’Herztön vor chline Bohne chönne la messe. Wie sech het usegsteut geit dr’Herzschlag spürbar duruf we mä chli mitere schnörelet 🙂
-
Mir si hüt zäme ad’BEA gange u hei dert chli gschnoiget. Ds’Wetter isch sosolala gsi – gnue guet zum dusse si, aber schlecht gnue so dasses nid völlig überfüuht isch gsi.
-
Jetz bini grad mini nöii ID und dr biometrisch Pass ga mache. Das isch ja fangs e rächti Prozedur. U irgendwie komisch, z Wüsse dasi jetz ca. di nächschte 10 Täg ke güutige (amtleche) Uswis me ha..
-
Nach nid mau ere Wuche, hani doch scho di erschti Poscht ufe nöi Name übercho 🙂
-
Ja, jetz bini d Frou Wäger 🙂 u jetz heissts mau aui Uswise und Dokument z ändere. Das wierd mer e schöni Sach gäh, bis das aus usgwächslet isch, aber egau, i wott ja nid jammere, d Fröid isch viu grösser.
-
Itz isches sowit, d’Manu u ig hei üs ds’Ja-Wort gä u si per sofort Maa u Frou. I freue mi scho wenni z’erschte Mau cha säge „mi Frou …“ 🙂
-
So, üse Ehe-Vorkurs isch erfougrich absolviert. Mir dörfe hürate und hei o grad chönne ds’Datum usmache.