-
D’Bohne het hüt e richtige Bsuechstag gha. Zersch si ihri Ur-Oma, mini Gotte u ihre Maa cho. Speter si no 2 Arbeitskollegine vor Manu cho.
Und d’Bohne het sech vor beste Site zeigt – sie isch sehr viu wach gsi u het umegluegt u zablet und nume ganz weni umegrauet. Entsprechend isch wieder mau d’Ussag cho „wartet de nume bis zur Pubertät“ 🙂
-
Et voilà, dr Bierhauter füre Chinderwage isch cho u natürlech grad montiert 🙂
-
D’Manu u ig hei hüt üses 7-jährige Jubiläum. Irgendwie isch die Zyt scho schnäu verbi gange… Uf witeri 7 Jahr (u meh :))
-
So schöns Wätter! Ändlech, mir hei jetz lang gnue gwartet. O d‘ Sandra het chly blütlet u nur no s Body treit, wöus so heiss isch gsy.
-
Dr erscht Chinderarzttermin wär o gschafft. D‘ Sandra het nach eim Monet 982 gramm meh uf de Rüppi und isch 5 cm gwachse (jetz 53 cm gross). Si het sech o bir Ärzti wider ganz vorbiudlech präsentiert und isch di meischti Zyt sehr ruhig blibe. U d‘ Frou Dokter isch auso e sehr sympateschi.
-
Hüt Nami isch d Frou Berger vor Müettere- und Vättereberatig cho luege wies louft. Vorem Gspräch hei mer d Sandra gwoge (inzw. bringt si 3’975 gramm uf d Waag) u när het doch das Lusmeitschi s wisse Blusli vor Frou Berger versch***.
-
So, drü Wuche nach der Geburt bringe jetz o ig mi Ehering übere Ringfinger.
-
Jetz isch ändlech er Sandra ihri Buchnabu-Chruschte abgheit. 🙂
-
Hüt isch no es letschts Mau d Hebamme, d Barbara verbicho. I ha no glehrt, wie me amne Baby tuet Naseputze. Isch fangs guet, de mues üsi chlini Bohne nümm so grunze ir Nacht.
-
Mi erscht Tag allei mit dr Sandra… Mir si go spaziere, go ichoufe (nid i der Stosszyt!) und bädlet hei mer o no. D Zyt a däm Tag isch verbi wi im Flug.