-
I hami u gfröit, dass mr zu mim Geburiapéro so viu Lüt hei z Bsuech gha. Schön sit dr verbicho, s’isch super gsy! 🙂
-
Mir hei nomau guet Züg usegruumt, furtgschosse u e chline Teil id’Brocki bracht. Ir Brocki het d’Manu de grad e günstige u schöne Römertopf gfunge.
-
Iz het doch dr Pädu tatsächlech mini Eutere um mini Hand bäte. Da hätt i jetz würklech nid drmit grächnet. I bi grad rächt häppy 🙂
-
Bim Geburtstagsbsuech vor Sara, het mir d’Andrea no zeigt im Chäuer, wasi de aues cha bruche vo de Babysache. Mi fröits, das mer soooo viu Züg chöi bruche und somit würklech chum Sache bruche nöi z’Choufe 🙂
-
Aschi bewegt sech! E wunderschöne Moment.
-
Hüt hei ds’Conny und ig wieder e Singstar-Abe gmacht. Es het u gfägt 🙂
-
Dank Aschi (auso dr’Schwangerschaft) het d’Manu ganz fiini, fluumigi Gotlette übercho =) Fluumig wiene Pfirsich… Wo sie se zeigt het, het sie se aus „jungi Haar“ beschrybe. Mi hets fasch gchlepft vor Lache!
-
Ds’Gabi u Mike Moor hei üs iglade zumene Tatarehuet ga esse. E super Idee u eigetlech e Schand hani das bisher gar nid kennt…
-
Mir hei üs hüt geeiniget ufe Name wo üse Nachwuchs treit solang mir no nid wüsse wases git. Mir nennes Aschi.
-
Mir überchöme Nachwuchs! Und sit diesem Wuchenend isches offiziell u endlech kes Gheimnis meh wome muess luege was me seit.