-
D’Sandra und ig sy üsi gmeinsami Zyt sehr am gniesse.
Hüt symer id 13h Vorstellig vo Sherlock Gnomes. Es isch super gsy, mir hei der ganz Chino-Saal für üs allei gha 😁 Popcorn u Glace hei natürlech o nid dörfe fähle. U womer wider hei sy cho, isch immer no vieu Zyt übrig gsy zum Wätter gniesse u bädle.
-
Es Wiehnachtet
Mir hei hüt üses erschte Wiehnachtsfescht dörfe fyre. Marianne und Brösi hei uf Schenkon iglade, wo mir scho sit eme Jahrzähnt jedes Jahr am Samschtig vorem 24.12. üses zämefwürflete Wiehnachte dörfe fyre. Si hei sich mau wider rächt is Züg gleit und üs aui verwöhnt. – i bi nur chly nervös worde, we d’Laura ds…
-
Adventsfenster
Mir hei üs dises Jahr s erschte Mau fürnes Adventsfenster igschribe. Ds 12i isches du worde. Pädu und ig hei üs du rächt is Züg gleit und ig bi begeisteret, wi guet dases isch worde.
-
Mit Urs u Sara am Tigers-Match
Dr’Urs u d’Sara si beidi ir Hockey-Schueu vo de SCL Tigers und hei ir Pouse vom Match Langnou gäge Ambri e Sponsorelouf gha vor aune Fans. I ha die Glägeheit gnutzt und bi mit Eggimaas dr Match ga luege. Und botz hei, hani grad e Match usgsuecht! Es totau vo 13 Gou hei mir chönne…
-
Mir hei e Schneemaa boue
Da mir richtig schön Schnee hei gha im Garte, bini mit de Töchtere use und mir hei zäme ä Schneemaa boue. Üse Nachbar, dr’Köbu, het so Freud gha, dass er am Abe no regumässig chli isch ga Wasser druf sprütze, damit er veriiset und so besser gwappnet isch gäge Räge.
-
Dr BitCoin het 10’000 €-Grenze überwunde
Das geit grad recht ab mit de Cryptowährige (BitCoin und so). I ha diese Früehlig o chli öppis i verschiedeni Coins investiert/spekuliert u das Gäut het sech zwüschezytlech verdrüfacht.
-
SCB gwinnt dr erschte CHL Viertufinau
Nachdems die letschte Matche nid grad überragend gloffe isch für d’Mutze, hei sis ume gschafft zrügg uf’d Siegerstrass. Imne doch mit Emotione gspickte Viurtufinau-Spiu ir Champions Hockey League, hei d’Mutze dr amtierend schwedisch Leader mit 3:2 chönne besiege und hei sech so guet ufgsteut für ds Rückspiu nächscht Wuche.
-
Brunche bi John u Sandra
Nur wenigi Tage nacheme feine Znacht mit Gabi u Mike, si mir bi John u Sandra iglade gsy zumne usgiebige Brunch. Nachdem mir üs d’Büüch ar üppige Uswau vougschlage hei, si mir aui no chli zäme ga spaziere u mir hei glehrt, dasses nume wenigi Minute näbe ihrer Wohnig usgseht wie viu witer ufem Land…
-
Fein ga Ässe mit Gabi u Mike
Mir vier hei dieses Jahr scho mehrfach versuecht gmeinsam e Abe z’finge zum zäme fein ga z’ässe. Leider hei üser Termine nid wöue zämepasse, oder es isch sehr churzfristig öppis derzwüsche cho. Aber itz (ändlech) het’s klappet – mir si bi Gabis Tante u ihrem Maa im Waldrandbeizli in Aeschle ga ässe. Dert isst mä…
-
Verein Thuner Spiutreff Phönix
Leider hört ds Team vom Thuner Spiulade Phönix afangs nächscht Jahr uf. Da mir aber ä igschworni Gmeinschaft si, organisiere mir üs itz aus Verein u verastaute d’Spiuäbete unger däm Banner. Im Moment muess aues no chli Forme anä (Statute, Website, Ämtli); aber sobauds klarer isch wär-wie-was-wo chani o besser informiere für auie wo sech…