Da Susi (Schwagers Mami) disi Wuche e runde Geburi het dörfe fyre, sy mir ir Region Luzern iglade gsy im Restaurant Chärnsmatte go ds Brunche/Mittag/Dessert ässe. Dert hets zuesätzlech ä riiise Spieuplatz mit mini-Bähndli u Karussell etc. aso diversi Sache wo d’Ching u fröid hei. Ds Ässe isch fein gsy u d’Ching hei o ä rise Plousch gha.
D’Sandra u der Päpu am Lego Friends zämesetze wo si zum Geburi vo Götti Mike het übercho.
Mir isch wieder mau chli nach grille gsy – so hani mi wieder mau a Pulled Pork gwagt. Zur Gschmacks-Intensivierig hani de 2.2 kg Schwynshaus am Vorabe no mitere Mariniersprütze bepumpt u aschliessend mariniert.
Dr’Bitz hani de am 7:30 am Morge ufe Grill gleit u dr’ganz Tag la schmorre.
Das isch ds’pullte Pork nach dr erschte Rundi (4 erwachseni Esser):
Und so het me Pulled Pork-Dürüm/-Fajita usgseh:
Mir sy d’Spiugruppe Spatzenäscht in Heimberg ga aluegenu d’Sandra het sech sofort wohl gfüeuht und mit angere Ching afa spiele. D’Laura het sech de gäge Schluss, wo weniger gloffe isch, o getrout säuber z’erkunde und spiele.
Nachdem ig i de letschte Wuche chum ha Zyt gha, hanis endlech ume chönne irichte ane Spiu-Abe vom phönix z’ga. Itz wo PlayOff fertig sy wird’s wieder viu eifacher uf die wüchentlechi Dosis Brettspiu z’cho :)
Hüt het mi d’Sandra verblüfft wo sie plötzlech usem nüt use fählerfrei uf 10 het zeut – bis itz ischere drum geng irgendwo es Dürenang passiert.
MEISCHTER! Schwizer Meischter! Nachdem d’Mutze i Spiu 3 u 4 jewius knapp hei verlore, hei sie’s i de letschte 2 Matche ume ordentlech la tschädere u hei d’Tituverteidigung schlussament souverän gmeischteret.
Einzige Wermuetstropfe isch, dasses ume eis amne Uswärtsmatch isch passiert. Es isch nä eifach meischtens scho nid gönnt vor heimischen Publikum dr Chübu entgäge z’näh.
Zu mim Geburtstag hani üs es paar cheibe feini, wenn o nid ganz so gsungi Burger zuebereitet. Da no PlayOff sy hani diesmau nid würklech iglade, sondern bi am Abe mit Mike zäme e wunderbare u eidütige Heimspiu vo de Mutze ga luege.
Füre hütig Match EVZug gäge SCB hei mir mit Reby u Lüku abgmacht zum gmeinsam luege, u vorher zäme mampfe. So bini mau ume a Grill gstange u ha mi dra gmacht über 2 Kilo SpareRibs zue z’bereite.
I ha diesmau chli öppis ar Technik apasst u bi aues i auem zfriede mitem Ergebnis – chlini Apassige cha mä geng ume mache, aber grundsätzlech stimmt d’Richtig.