Advent, advent…
Mir hei hüt Bsuech vo Marianne und Brösi gha. Sy hei üs e wunderschöne Advents-Chranz verbibracht. Di si jedes Jahr toll die Chränz 🙂 u mir freue üs natürlech ufe 1. Advent um de s erschte Cherzli chönne adszünde.
BBQ Endi November
Mir sy scho chli irri Schaf. Mi Nachbar Köbu und ig hei üs bereit erklärt amne witere Nachbar bim Zügle z’höufe und d’Mannschaft z’verpflege.
Zu däm Zweck hei mir churz nach Mitternacht agfange 5 Kilo Fleisch zu Pulled Pork, und witeri 2.5 Kilo zu Pulled Beef z’grille.
I ha nach langem wieder mau eis vo mine Lieblingsspiu chönne spiele – Railways of the World. Das Spiu isch vo Afang bis zum Schluss packend u spannend, dass mä nid ruhig cha bliebe hocke u fasch vor erschte Sekunde a immer wieder ufsteit und i Bann zoge wird.
Italiä
Mir hei es paar wunderbari Täg in Italiä dörfe verbringe. Es isch u schön gsy, warm und gmüetlech… aber durchus o immer mau wider chly asträngend mit dä Meitschis.
Hie es paar Impressione… 🙂
Endlech geit d’Hockey-Saison wieder los, u de grad miteme Match ir Champions Hockey League. Ds erschte Heimspiu isch gäge englisch Club Nottingham Panthers, wo mir mit 5:2 hei chönne gwinne.
Sit churzem sy mir Mitglied bim Quartierleist. Hüt isch bir Schueu es Pizzaässe organisiert gsy, womer o sy gange. De hei mir mau chly d’Lüt chönne lehre kenne und d’Pizzene sy superfein gsy.
Juhuuuu… Ferie buechet :) Italiä mir chöme :)))
Geit tatsächlech nümm so lang…
Hüt Nami resp. zum z’Nacht sy mir hüt bi Tanä u Simu Brunner iglade gsy. Si wohne jetz sehr schön u gmüetlech. Mir hei dä Nami u Abe sehr gnosse bi ihne.
50 Jahr ghürate
Das isch cheibe lang. Mi Unggle Franz und sini Frou d’Annelies hei di ganz Verwandtschaft iglade zu däm Fescht. Es isch super organisiert gsy u ds ässe ungloublech fein. Chly schad isch gsy, dass drü vo üs di meischti Zyt im Notfau bi der Insu verbracht hei 🙁
D’Sandra het irgendwo dri glängt u het sech zimlech wüescht i lingg Ringfinger gschnitte. Isch aber mau wider ganz e Tapferi gsy a däm Tag. U wo mir wider uf d Feschtgmeinschaft sy gstosse het si o wider öppis ds verzeue gha.
Pädu het uf Ricardo es paar Strassehockey-Chneble inkl Tor ersteigeret. U hets mit der Sandra natürlech grad usteschtet.
