-
Nach fasch 3 Monet Pouse hani wieder mau es „A Game of Thrones“ Brettspiu gwünscht zum Spiele. Wie scho bim letschte Mau het’s mi sehr möge fessle, und bsungers we e sech grössere Kampf abzeichnet (oder mä vomne Gägner überrascht wird) stigt dr’Puls grad nomau meh 🙂
Diesmau hei mir e extra 4-Spieler Variante gspiut wo vorauem d’Siegbedingige chehrt und d’Spiuzyt sött verchürze (was üs überhoupt nid glunge isch). Im Basisspiu spiut mä bis öpper 7 Festige oder Burge unger sire Kontrolle het (oder maximau 10 Runde); hie het jede Spieler verschiedeni Ziel wo Pünkt gäbe we mä se cha erfülle (sie gäbe o nid…
-
Useme Gespräch mit dr’Manu sy mir uf ds’Thema 10-Fingersystem und schnäu tippe cho. Das het mi doch de grad wunger gno und i ha e entsprechende Test absolviert miteme Resultat wo mi säuber überrascht het.
Für aui wo o gärn würde usprobiere wie schnäu (und genau) sie sy: www.zehnfinger.com
-
Mir hei Bsuech übercho vo mire Gotte und ihrem Maa wo ds’Wuchenend am Interlakener Trucker festival sy gsy. Mir hei dr’ganz Namitag bi beschtem Wetter chönne dusehocke u quatsche.
I ha’s sehr gnosse, haut vorauem o wüu d’Distanz zwüsche de Wohnorte so gross isch, dass mä sech nume 2-3 mau gseht im Jahr.
-
D’Manu het auti Spiusache us ihrer Jugend usgmischtet und derbi isch mir es Junior-Club Heftli vo 1998 id’Häng cho. Bim Düreblättere hani unger de Brieffründschafte doch de grad öpper gfunge woni kenne – mini Cousine 😉
-
Mir sy aui zäme bim Frouearzt gsy u hei gluegt u gstuunet wie wit Pfupf isch (mä erkennt scho so viu), und hei derbi o grad erfahre, dass mir es zwoits Töchterli, bzw es Schwösterli, überchöme. Päpu bliebt Hahn im Korb 🙂
-
Chum vom Camping zrügg, hei mir de o no grad e Brot und Spiele ;)-Abe gha. Diesmau sy vorauem Team-basierti Spiu gspiut worde (2-vs-2), wobi bim einte Spiu d’Teams ersch im Verlouf vom Spiu sy bekannt worde.
-
Das isch es richtig schöns Wuchenend gsy. Mir hei e sehr agnehmi Zyt mit guete Fründe, feinem Ässe und sogar chli Sunne (aber no nid brenntig) dörfe gniesse.
-
D’Resultat vom dütsche Brettspiu Ringtuusch sy da und erneut werde mir es paar Spiu los wo mir nid/nüm gspiut hei u derfür überchöme mir Spiu wo üs aspreche.
D’Zyt wird zeige ob üs die „neue“ Spiu begeistere oder ob mir se de o wieder imene Ringtuusch abiete 🙂 Die neue Spiu wo i de nächschte Tage zu üs gschickt werde sy: Agricola Im Spiu Agricola isch mä e Buurefamilie vor ca 200 Jahr u muess Fäuder bsteue, Vieh züchte und d’Familie ernähre. Es…
-
I ha mir spontan es verlängerets Wuchenend frei gno damit mir chli chöi ga campe, und so sy mir itz uf dr’französische Site vom Lac Leman in Excenevex acho.
Das Ganze isch sehr spontan z’stand cho nachdem i afangs Wuche vo Mike (Sandras Götti) bi agfragt worde ob mir nid o Luscht hätte, sie syge sowieso scho dert und üs würds sicher o gfaue.
-
I bi scho chli es Gfeufüdle. I ha im Autobahnabschnitt wo boue wird mi lingg Spiegu are orange Pilone atätscht. Aber nid nume, dass es ke Schade het gä (mä gseht NÜT), besser no isch, dass dr’Wackukontakt vom Spiegublinker derbi isch behobe worde 🙂