-
Hüt isch Internationale Star Wars Tag – May the force be with you!
Und d’Sandra Leia isch o scho cheibe Fan vo dere Titu-Musig – Sie het haut ds Geek-Bluet i sich 🙂 Und für aui die wo sech frage „Werum de hüt?“: May, the 4th wird zu „May the force“. So chunnt das.
-
I has im hütige Riesestou gschafft nach bereits 5 Minute eini derart ufzregä, dass sie es mehr-sekündigs Hup-Konzert het müesse gä 😀 Sie kennt schynbar dr’Riisverschluss nid, die Armi…
Leider het sech mi Arbeitsweg wegem Stou vo ~25 Minute dütlech verlängeret uf ungefähr 2:20 🙁
-
Mischu, Manus Schwager, isch 40i worde und da hei mir natürlech in Persona wöue gratuliere. Er isch totau überrascht worde vor Mengi a Lüt wo sy verbi cho zum ihm gratuliere 🙂
-
Endlech hei mir chönne zueluege wie d’Sandra säuber ufhocket. Bis itz hei mir’s ja geng grad blöd verpasst – sie het nid lang z’chnorze derzue.
-
Sterrys sy zum Znacht zu üs cho und mir hei zäme säuber Cordon-Bleu gmacht (gfüut mit Rohschinke, Vacherin und Spinat). Das sy gloub die beschte(!) Cordon-Bleu gsy woni bis dato ha gässe.
-
I ha mi digitau Biuderrahme itz mitere Hampfele Fotos vor Familie (primär vor Bohne) gfüeut u cha itz Föteli vo ihre gniesse wenni bim schaffe grad chli Ufmunterig bruuche.
-
Am Ostermäntig ga häufe zügle isch zwar e chli e Mist, git aber glich (oder grad drum) e guets Gfüeu (u Muskukater :)) dass mä her chönne häufe
-
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.
-
Mir sy uf Schenke mis Mami u dr’Brösi ga bsueche. I ha no es Gschenk übercho, d’Schwizer-Charte für „Zug um Zug“, wo de o grad 2 mau in Schenke u no 2 witeri Mau in Heimberg iscj gspiut worde 😉
-
So langsam wachst d’Sandra us dr’Baby-Wanne vom Chinderwage drus; u so ha ig mi entschlosse doch dr’eigetlech Sitz z’montiere. Isch viu ringer gange aus die im Lade das hei gloube gmacht 🙂