-
Nach dene letshe Wuche mit viu Schaffe git’s itz endlech es paar Tag frei anenang.
-
I ha ume eis Geburtstag gha u ha viu Glückwünsch, cooli Gschenk u vorauem e gueti Gseuschaft dörfe gniesse. Viele Dank euch aune!
-
Aus Star Wars Fan het mi Geburtstag scho super agfange woni am Morge ha spzieuschti Chuguschryber übercho. Ab itz schrybeni mit dr’Macht!
-
Reby u Lüku sy de Namitag z’Bsuech cho u mir hei üs ere chlinere brettspiu-Orgie häregä 🙂 Da ds’Wetter guet isch gsy hei mir üs usegsetzt u so nebe de Spiel o d’Sunne chönne gniesse.
-
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂
-
Hüt het d’Sandra ihres erschte offizielle Wort gseit: „Päpu“. E gwautige Moment!
-
Bin Fyrabe mache hani gseh dass Bumblebee näb mir het parkt. Es schöns Auto, o wenn d’Luftschlitze bim Hingerrad fake und nume ufgmale sy 🙂
-
Mir sy guet in Brüssel acho und hei vo üsem Gastgeber o grad direkt e Sightseeing-Tour übercho (Innestadt, Atomium et cetera). Drufabe sy mir im 2.-grösste Bowling Center vo Europa (Bowling Stones mit 36! Bahne) ga esse.
-
mediacoding gits sit 10 Jahr und so sy mir dick ga esse z’Bern u när no chli dür d’Gasse zoge.
-
Da mir itz regumässig tüe Zähn putze mit dr’Sandra hei mir o es Zahnputz-Lied gsuecht und sy fündig worde 🙂