-
I ha gmeint mi treffi dr’Schlag woni imne Online-Shop (ApfelKiste.ch) aus Bezahl-Option ha „Zahlung per Briefcouvert“ gseh. Insbesondere für ne hippe und trendy Apple-nache Shop fingi das üsserscht überraschend…
-
Entgege mine Erwartige bini dr’Erscht gsi bim Reserviere vo de Chino-Tickets. Aber jä nu, i bechlage mi nid wemer die beschte Plätz hei am Donnschti 😉
-
Da i de nächschte Tage dr’zwoit Teil vom Hobbit i de Chinos alouft hei Moors iglade zum dr’erschti Teil nomau z’Gmüet z’füehre. Itz sy mir gwappnet füre Donnschti.
-
Üser Spiu-Abete klappe guet u finge regumässig statt. Diesmau hei mir zersch bim Match mitgfieberet u aschliessend hei mir tichlet (Tichu gspiut).
-
I ha zum erschte mau Öppis gschweisst. Zwar nume es paar Üebigs-Bitze, aber irgendwo muess i ja afah.
-
Mir hei es chlises Reisli id’Innerschwiz gmacht und hei ds’Grosi u dr’Grösi bsuecht. E Bsuech wo jung und älter (:)) het möge begeischtere.
-
Mir hei es spontans Bsüechli bim Grossmami und em Äti gmacht. Die Zwoi hei sech fescht gfreut ds’jüngschte Grossching z’Bsuech z’ha – und o d’Bohne het viu Freud gha.
-
Bire Diskussion über d’Armee und ds’Abgä hani realisiert, dass ig mi Termin verpasst ha zum ds’Material zrügg z’gä. Schynbar liegt mir doch meh a üsere Armee aus i gmeint ha =)
-
Wow, was für ne Wuche füre SCB – 3 Matche, 3 Siege, 9 Pünkt! So isches grad viu meh Freud zum de Giele zue z’luege.
-
Üse SCB gwinnt nach lengerer Durststrecki wieder mau. Die letschte Minute (bim Stand vo 1:0) hei mi packt wie scho syt Wuche nüm – i bi numeno knapp ufem Rand vom Sofa ghocket, so nach hets mi vore Fernseh zoge.