-
Tag 2 vo üsem Reisli – Mir si im Vormittag bi mire Oma und em Rene ga käfele. Im Namitag si mir bim Götti Willi und sire Frou Barbara in Winterthur verbi.
-
Tag 1 vo üsem Ost-Schwyz-Wuchenend: Mir si bir Gotte Bigi und Familie in Stamme z’Bsuech gsi, hei e gmüetleche Abe zäme chönne verbringe und o grad bi ihne übernachte.
-
Mi chürzlech ersteigeret Chäfer isch itz bi üs ir Garage acho. Er het zwüschezytlech no chli Gwicht verlore und cha itz guet aus Fred-Feuerstein-Auto bezeichnet werde 🙂
-
Dr’SCB het ds’letschte Spiel vor dr’Nati-Pouse klar mit 6:2 gäge Kantons-Rival Biel chönne gwinne. E wichtige Sieg, wo sowou Team wie o Fans viu z’lang hei müesse druf warte.
-
Diese Morge het mi massiv die senili Bettflucht plaget u so bi ig bereits am 5:30 us de Federe und am 6:00 usem Huus.
-
D’RED Shoes hei ihri erschti Schiebe „Honeybeach City“ touft im Baranoff z’Thun. I ha e geile (und länge) Abe gha mit geilem Sound, viune bekannte Gsichter und hie und da es Bierli 🙂
-
Manus Gotte Beatrice und ihre Maa, dr’Geru, si zu üs cho e Tartare-Huet gniesse. Aaschliessend hei mir bis i die früehe Morgestunde dorfet und glachet.
-
I ha mir e zimlech rostige VW Chäfer ersteigert – itz giut’s ernst mitem Meche 🙂
-
Nachdem die bsteute Chräueli endlech si cho, chani itz o üses Wand-Tetris fertig bastle 🙂
-
Mir hei spontan ds’Reby u dr’Lüku iglade zum e Abe lang Munchkin spiele. Normalerwys duuret das Chartespiu nid so lang, aber mir hei chli e zaghafte Start gha – und uf ds’Endi here hei mir üs Chneble zwüsche d’Scheiche gworfe wenn immer müglech. E riese Spass!