-
Mir hei d’Monika und dr’Ueli zumne Tartare-Huet iglade bi üs. Das isch eifach scho es feins Znacht, o wenn d’Hütte när schmöckt… 🙂
-
Üser Dankes-Charte für d’Hochzyts-Gschenk si fertig u müesse itz nume no uf d’Post.
-
I ha dr Pädu hüt mit eme zNacht ir Krone z Thun (dert hei mer nach dr zivile Hochzyt gässe) chönne überrasche. Es isch, wie o scho im Apriu sehr fein gsy. U zuesätzlech isch für mi Prömiere gsy, dass öpper angers (Reby) zu der Sandra luegt.
-
Üser Hochzyts-Fotos si acho und mir hei se grad mitgno uf Schenkon zum mit mim Mami und em Brösi chönne aluege.
Itz mache mir üs ad’Gstautig vo üsere Dankes-Charte wo dir i absehbarer Zyt i euem Briefchaschte werdet vorfinde.
-
Und no e zwoite Geburtstag diesi Wuche. O dr’Lüku het iglade zu Speiss und Trunk a sim Namenstag. O dir nume ds Beschte zu dim Geburi, herzlechi Glückwünsch.
-
Hüt het’s grad 2 Mails gä vo Chunde wo mi zum Schmunzle bracht hei. Ei Chund het gschrybe er möchti „eine Neuinstallation auf einer Tablette vornehmen“, und e andere Chund „konnte sich nicht mit dem Admin-Benutzer einlochen“.
Da het d’Autokorrektur zwoimau unglücklech zuegschlage 🙂
-
Mir hei e gmüetleche Abe bi Ueli und Monika verbracht. Sie hei iglade wüu dr’Ueli si 60ischt Geburi het gfyret. Herzleche Glückwünsch, blieb so wie de bisch.
-
Sit einige Tage üebt üsi chlini Bohne ihre erscht Buechstabe – ds’Be. Es isch so härzig; Vorauem we sie sech fescht astrengt und när so furzigi Grüüsch macht bim Üebe 🙂
-
A dr’diesjährige SwissToy hani d’Müglechkeit gha die gli erschynendi PlayStation4 uszprobiere. I ha ja scho d’Grafik vom GranTurismo 5 sackstarch gfunge, aber dr’Alpha-Release vom Rennspiel DriveClub setzt dem no eis druf.
-
O das Jahr si mir wieder am Öpfu-Fescht z’Wichtrach gsi und hei nebscht Öpfle o guete Chääs u Fleisch us dr’Region probiert und igchouft.