-
„Was lange währt, wird endlich gut.“ I bi hüt mit aune plante und unplante Änderige füre neu Release vom Rotary CVS fertig worde. Bi gspannt wie ds’erschte Feedback am Mänti usgseht.
-
Mini Wichteli-Wunschlischte isch verschickt; bi scho itze gspannt druf ob und wie miner Wünsch mim Wichteli aus Inspiration diene.
-
U ume eis bini mit John u Mike es paar Bierli ga nä.
Mir hei vorauem über 3-egg u wie witer diskutiert u si zum Entscheid cho, dasses unger de itzige Umständ besser isch, wemers lö la si. I muess o ehrlech säge, dass i nid recht wüsst wo d’Zyt her nä zum e ordentlechi Büetz z’mache; i ha eifach schüsch scho gnue…
-
D’Manu bringt mi geng ume zum Lache. Hüt: „Isch das wägem NHL-KnockOut?“ Ja ja, dr’KNockout =)
-
Ufe letscht Drücker hani mitem Mischu zäme no d’Winterreife ufzoge.
-
Die erschte Schneeflöckli!
Zum Asetze wotts sicher nid länge, aber das het ja no dr’Zyt =)
-
I bi mitem Ueli (Schwiegervater in spe :)) gane SCB-Match luege während üser Froue im WestSide si ga bade.
-
Sterrys si verbi cho zum Käffele und mir hei dorfet über ihres bevorstehende Zügle am Wuchenend und natürlech o dr’neuscht Klatsch vor Familie =)
-
Dür mini neui Logitech Harmony One+ hei mir itz ke Chästliwaud meh u so o kes Dürenang ufem Stube-Tischli.
-
D’Manu u i hei hüt mit dr’zwoite Season vo Game of Thrones agfange. Diesmau luege mir itz o uf Englisch, was d’Wäut no interessanter u authentischer macht (zB dür d’Dialekte).