-
D’Fondue-Saison isch eröffnet. U de ersch no miteme ganz spezieue Fondue: verusse mitem 3-Bei überem Füür. Herzleche Dank ad’Familie Moor, d’Gastgäber.
-
I ha mir es neus PS3-Game zoge („XCOM: Enemy Unknown“ – rundebasierti Strategie) u bi positiv überrascht wieviu Komplexität u Toifi es bietet.
-
Bi Mike het e chlini Männer- u Bier-Rundi stattgfunge. Mir hei sogar no es Fleisch ufe Grill ta; u das doch eher spät am Abe.
-
I de letschte Arbeitstage bini vom T (Trevor) gfragt worde ihm dr’Rubik-Würfu z’erkläre. Itz geits scho vei guet u dr’T chane fasch ohni Spicker komplett löse.
-
Im Fyrabe-Bier hani mit Mike u John über d’Zuekunft vo 3-egg diskutiert. I ha grad gmischti Gfüeu, aber mit de Jungs Eine ga nä het uf au Fäu gfägt!
-
Mir si vorem erste Tatze-Derby (SCB – SCL) no ir Markthaue ga es 201 (Bakmi Goreng mit Poulet) ässe. Das cha geng ume guet.
-
Eigetlech hätte d’Joelle u dr’Mano wöue cho dr’Match luege. Da sie ersch 10 Sekunde vor Match-Endi si itroffe, hei sie nüm grad viu gseh…
-
Herzleche Glückwunsch, Mano! Di Bachelor isch meh aus verdient, und ds’druf Astosse het viu Freud gmacht.
-
Mi auer-erscht Bsuech bimne Frouearzt. Nachere lange Zyt im Wartruum heimer z’erschte Mau chönne Ultra-Schau luege. I ha aber nid viu erkennt.
-
Mir si bi Manus Eutere verbi und hei em Ueli zum Geburtstag gratuliert.