-
Lauras erschti Schritte
Hüt am Abe vorem is Bett gah, het d’Laura ihri erschte freie Schritte güebt. Nid vieu – drü am Stück – u ungloublech tapfer het si das gmacht… 🙂
-
Eis vo de chürzlech ertuuschte Spiu hei mir scho, drum ha ig’s direkt ane Kolleg, wo relativ neu im Hobby isch, la schicke. Er hets mau amne Spiu-Abe bi üs gspiut und es het ihm sehr gfaue, und itz isch er miteme eigete Exemplar überrascht worde 🙂
Es handlet sech bi däm Spiu um Evolution, es Charte-Spiu wo mä mit verschiedene Eigeschafts-Charte (zB Klettern, Fleischfresser, Hörner etc) Dinosaurier erfingt und die när i Überlebenskampf mit de Dinos vo de angere Spieler lat la trete.