Familie Wäger

D’Laura luegt viu Sache vor Sandra ab, haut o ab und zue chli Seich. So het sie hüt abgluegt wie mä tuet Nase grüble… Es het früecher oder später ja so müesse cho 🙂

Dezember 14, 2016
D Laura verma üs o immer wieder z’überrasche. Diese Morge bim usem Bett nä hei mir festgsteut, dass sie sich ir Nacht söuber scho chli abzoge het – zmingscht ei Ärmu het sie möge usfädle. Wie o immer sie das so gschafft het.

Dezember 10, 2016
Dr’Materiau-Fisu vo Sparta Prag isch ono krass ungerwegs. Dr’ganz Match lang nume churzärmlig ar Bande – u wie mer plötzlech gseh hei o nume i de churze Hose…

Dezember 7, 2016
Da d’Sandra no nid so Erfahrig het mitem aute, wissbärtige Maa, wo aube am 6. Dezämber uftoucht, het der Pädu chly mit ihre güebt – mä weiss ja nie, plötzlech begägnet mä ihm plötzlech no u de wärs doch gäbig, es Värsli parat ds ha 😉

Dezember 4, 2016
Alle Jahre wieder….

Oder angers gseit: o dises Jahr, darf sech d’Sandra über vili vili Päckli freue. I hamer d Püetz dises Jahr chly vereifacht und ha farbegi Täschli gkouft u ha d’Gschänk i Stopfwatte ipackt. I freue mi scho jetz uf Sandras Gsicht morn am Morge (nur schad, dass sech d’Täschli geng wägdräie). Vorauem wesi uf aues…

November 30, 2016
Ändlech ha o ig mit der Sandra güetzelet. Sit sy vor 10 Täg mit mim Mami het dörfe güetzele, isch sy mer i de Ohre gläge dermit. Sie het ä riise Freud gha drann 🙂

November 28, 2016
Di armi Laura… Het hüt vormittag aues vo sech gäh, was sie i ihrem chline Mage drinn het gha. Ke Ahnig, was das fürne Spontani-Erbräch Aktion isch gsy. Innert churzer Zyt het sie säch aber vo fiebrig u müed wider erhout u isch bis am Abe bereits wider rächt fit gsy – u o sehr hungrig.

November 25, 2016
So flott – dr’Typ, wo 2 Brettspiu vo mir uf Ricardo het ersteigeret, het no e Fläsche Wy derzue gleit, wüu mini Spiu nume für ds’Mindestgebot (je 1.-) weg sy.

November 22, 2016
Vorem hütige Match isch no dr’Marco Bührer – sines Zeichens 15 Jahr Goalie bi Bern – verabschiedet u sini Nummere unger ds’Stadiondach zoge worde. Er söuber isch zwar recht cool bliebe, aber schüsch isches e emotionale Moment gsy.

November 19, 2016
Bevor d’Manu u ig a Match sy hei mir no bi Manus Eutere gässe. Derbi isch ds fougende Foto entstande vor Sandra und em Ätti wo gmeinsam es Joghurt teile.

November 19, 2016