Familie Wäger

Miner Froue hei hüt zäme güetzelet (u wahrschinlech o viu gschnouset ;)).

Oktober 19, 2016
Da hei mir nomau Glück gha mit üsem Fondue-Gaglo. Geschter hei mir’s no gwagt z’nutze u hüt isches nachem Abwäsch em Riss erläge.

Oktober 17, 2016
Dä ganz Sport vo de letschte Monet het sech würklech glohnt. Mir het d’Waag hüt zersch mau syt Jahre wieder unger 83kg azeigt.

Oktober 15, 2016
D’Sandra isch zum erschte Mau live amene SCB-Match derbi gsy und het sehr möge rüehme wie toll dass es sig und wie guet es ihre het gfaue.

Mir hei üs extra es Spiu vor Champions Hockey League usgsuecht wüu die erfahrigsgemäss weniger Zueschouer hei. Auerdings sy mir de glich scho nachem erschte Drittu wieder hei wüu’s sehr chaut isch gsy und d’Sandra de doch het afa unruiger werde.

Oktober 11, 2016
Zur Fyr vo Ueli sim Geburtstag sy mir Manus Eutere ga bsueche und hei zäme käfelet, verzeut und dr’Ueli miteme Dia-Scanner überrascht, so dass ihm ir bevorstehende Pension o ja nid längwielig wird.

Oktober 9, 2016
Nach über 2 Jahr het’s es Revival gä vom Game of Thrones Brettspiu-Abe bi Carreras. Angers aus bir erschte Rundi hani diesmau igluegt wie säute öpper iluegt… Und trotzdem het’s gfägt wie verruckt.

Oktober 8, 2016
Nachdem mir bereits über ne ganzi Saison Bsitzer vo 2 Sitzplätz im Berner Hockey-Tempu sy, het’s d’Manu endlech o mau gschafft live im Stadio derbi z’sy – sie het de no grad e wunderbare 5:0 dörfe gniesse.

Oktober 7, 2016
So, Manu u ig hei i de letschte 3 Monet üses Trainingsprogramm sehr guet dürezoge u si totau uf je öppe 40 Trainings-Tage cho mit Schwitze, Chüüche, Flueche u Muskukater. Aber es het sech glohnt u mir werde wyterhin dran bliebe.

Oktober 5, 2016
Mir hei d’Andrea, Mischu, Urs und Sara zu SpareRibs vom Grill (4-5 Schtung ufem Grill :)) iglade und gmeinsam lecker u deftig möge mampfe. Üs stört’s da o überhoupt nid, dass dr’Summer langsam Gschicht isch und d’Tage geng chüehler wärde…

Oktober 2, 2016
Lang het’s duuret bis mir wieder mau e Spiu-Abe hei zstang bracht – derfür het’s umso meh gfägt nach so langer Zyt. Und dr’Kolleg het de o grad sini früschi Fründin mitbracht und se mit dr Brettspiu-Begeisterig agsteckt.

September 30, 2016