Zum Inhalt springen

Familie Wäger

Brot und Spiele 😉

Vor wenige Tage hani Mac Mini bsteut und itz Stück für Stück es Mediacenter druf organisiert. Es git zwar no etlechs z’mache dranne, aber es funktioniert doch scho so guet, dass mes cha bruuche wie plannet.

Februar 4, 2015
Mir hei e uf dieses Jahr e neue Finanzberater zueteilt übercho und hei dä hüt chönne lehre kenne. Er isch glich aut wie mir u maht e sehr sympathische Idruck; und er isch gloub o ähnlech geekig wie mir 🙂

Februar 3, 2015
Trinksprüch vor illustere Sorte: „Holz leitet“ „Metau aber nid“ „Ach egau, isch beides Plastig“

Januar 30, 2015
I ha mi Geburtstag dörfe fyre. I bi vougas am Vorbereite gsy mit beleiti Brötli und gfüuti Gipfeli mache. U o d Dessert hei nid z churz dörfe cho :). Es het unheimlech vieu ds tüe gäh, aber i has u gärn gmacht. U ds Resultat het sech durchus dörfe zeige. I ha mi über di zahlriche Gratulatione sehr gfreut. U es isch schön gsy, dass so vieu verby sy cho.

Januar 29, 2015
D’Sandra het itz glehrt usem Becher z’trinke. Es het nume öppe 2 Zmorge brucht bis sie’s gchopfet het wie dass mes richtig a ds’Muu nimmt.

Januar 27, 2015
Itz wos endlech ume Schnee het, sy mir natürlech mit dr’Sandra use i Schnee, wobi sie auerdings nid so ganz warm isch worde dermit.

Januar 25, 2015
D’Manu u ig hei üs uf BoardGameGeek bir 10×10 Challenge igschrybe. Ziel isches innerhaub vomne Jahr 10 vo üs definierte Spiu (plus e Alternative) jewius 10 mau z’spiele.

Letscht Jahr bini mit mire ursprüngleche Liste kläglech gschiteret und uf lediglich 57% cho… Mit de 10 meischt-gspiute Spiu wäremer aber uf 98% cho, es isch auso knapp worde. Dieses Jahr isch d’Lischte dütlech weniger abetürlech und beinhautet nume Spiu wo mir kenne, bsitze u guet finge (letscht Jahr hani versuecht e müglechst viufäutigi Lischte z’mache). Bevor…

Januar 21, 2015
I has de Morge recht vergipflet… Mis Handy het ufem Display e Geburtstag agä wo mir de o gratuliert hei. Wie sech aber het usegsteut het ds’Conny aber ersch ire Wuche Geburi, und i ha am Morge nume dr’Alarm gseh…

I ha mir es Zytli lang d’Geburtstäg 7 Tag im Vorfeud la alarme, dasses mi nie unvorbereitet verwütscht. Het besser klappet aus denkt – um nid z’säge über ds’Ziu usegschosse z’sy 🙂

Januar 19, 2015
Recht spontan sy mir zu Manus Eutere (Grosmami u Ätti) zum chli käffele u sy. So hei mir o grad ihres brandneue Sofa „ifurze“.

Januar 18, 2015
D’Sandra het mit mir zäme agfange Memory spiele. Mir spiele mit ufdeckte Biuder u sie suecht när jewius ds’passende Gägestück zu däm wo ig zieh. Es isch e wahri Freud ihre zuezluege mit wieviu Freud u Engagement sie mitmacht.

Januar 17, 2015

←Vorherige Seite

1 … 46 47 48 49 50 … 108

Nächste Seite→

Stolz präsentiert von WordPress