Familie Wäger

    • Brot und Spiele 😉
      • Champions und Statistike
      • Was isch e Filler?
      • Wunsch-Prioritäte-Lischte
Illustration eines fliegenden Vogels.
  • Mir hei Bsuech übercho vor Familie Moor zumene gmüetleche Neujahrs-Prosit inklusive SCB-Match (leider hets ke Sieg gä).

    Januar 3, 2014
  • Mir wünsche aune üsne Verwandte u Fründe e guete Start i ds’neue Jahr u freue üs euch o i däm Jahr wieder z’gseh.

    Januar 1, 2014
  • Mir hei ds’alte Jahr bimne Fondue Chinoise mit dr’Joëlle und em Mano la usklinge und drufabe de uf ds’neue Jahr agstosse.

    Dezember 31, 2013
  • Nachdem üses Meitschi die letschte Wuche nume Konserve-Fleisch het übercho, het’s hüt richtigs Fleisch gä – d’Würstli wo Götti Mike ihre mitbracht het. Zu üser auer Freud isch sie Fründ vo Fleisch u isst’s gärn u „viu“.

    Dezember 29, 2013
  • Am Spengler Cup isches mau wieder zum Klassiker HC Davos gäge Team Canada cho. Mir hei die benachbarte Fründe Tanja (Kanada-Fan) u Simu (HCD) iglade zum dem Spiu o ufem Sofa no chli Dramatik z’verleihe 🙂

    Dezember 28, 2013
  • Üses Meitschi wachst u wachst, drum hani hüt mau d’Chleider vom 68 gäge ds’74gi ituscht. Bis uf es Dotze Chleidli isch jetz dr komplett Schaft uf die nächschti Grössi umgrüschtet. Zum Teu si die Chleidli aber scho komisch usgmässe. Es git Oberteili, da chame grad dr ganz Ärmu umelegge, damit d’Hand nid verschwindet 😉

    Dezember 27, 2013
  • Hüt sy Moors mit Gipfeli zumne Brunch verbi cho u so hei d’Sandra u ihre Götti, dr’Mike, chönne Päckli tüschle.

    Dezember 26, 2013
  • Üses letschte Wiehnachte hei mir im Kreis vor Familie Eggimaa gfyret – emne wahre Generatione-Treffe vo 0.6 bis knapp 85 Jahr.

    Dezember 25, 2013
  • Sterrys hei iglade zumne feine Wiehnachts-Ässe mit Familie und Fründe. Ds’Highlight vom Abe isch dr’Moment gsy wo d’Ste es Päckli für sie nid säuber het wöu uspacke sondern ihres Gotte-Meitschi (d’Sandra) het la uspacke.

    Wenns um Päckli geit, de überfaut mini Schwoscht e Neugier und es Kribble, so dass niemer vo üs so Recht het wöue gloube vo was mir da grad Züge werde 🙂

    Dezember 24, 2013
  • Am Morge bim spiele het sech üsi chlini Bohne zum erschte Mau säuber vom Buuch chönne ufe Rügge dreihe. Dr’väterlech Stouz drückt us aune Pore.

    Dezember 22, 2013
←Vorherige Seite
1 … 68 69 70 71 72 … 108
Nächste Seite→

Familie Wäger

Mit Stolz präsentiert von WordPress