Familie Wäger

D’Bohne het ihres erschte Wiehnachts-Fescht bi Grosi und Grösi in Schenke chönne erlebe. D’Päkli hei sie auerdings no nid so interessiert, isch sie doch bim Uspacke am pfuuse gsy 🙂

Dr’Päpu het dr’wou bescht Lebchueche mit Autobahn-Vignitte übercho:

Dezember 21, 2013
Üsi chlini Bohne het’s zum erschte Mau gschafft eine vo ihrne Zäihe i ds’Muu z’näh; u het viu Freud dran gha 🙂

Dezember 19, 2013
Das war’s nun. Gester Morge hani der Sandra die letschti Still-mahlzyt gäh. Irgendwie scho chly Achterbahn der Gefühle, weni dra dänke, dass es jetz fertig isch. Ächli truurig, dass es düre isch, aber o glücklech, dass i jetz mi Körper wieder für mi ha.

Dezember 18, 2013
E ganze Tag bini hinger mim Import-Script ghocket und ha gfutteret. Aber es het sech glohnt – i ha dr’Datedurchsatz fasch chönne verdopple und glichzytig d’RAM-Belastig um ~90% reduziere (vo über 1 GB uf ca 90 MB).

Dezember 16, 2013
Nachdem i geschter ha chönne ds’TrippTrapp i de Einzuteili entgäge näh, het d’Bohne hüt zum erschte Mau chönne drihocke i ihre neu Sitz wo se für es paar Jahr wird begleite.

Dezember 14, 2013
Mir sy mitere Tschuppele Fründe dr’zwoit Teil vom Hobbit ga luege (er het guet gfaue), während d’Bohne bi de Grosseltere isch bliebe und vo ihne isch ghüetet worde.

Dezember 12, 2013
So, jetz isches sowit. D’Sandra isst jetz o Fleisch. Mi tüecht zwar, die Glesli mit Fleisch dinne, schmöcke irgendwie wi Chatzefuetter… Aber d Sandra hets guet gfunge. Si het ömu ihres zMittags-Schüsseli läärputzt 😉

Dezember 11, 2013
I ha gmeint mi treffi dr’Schlag woni imne Online-Shop (ApfelKiste.ch) aus Bezahl-Option ha „Zahlung per Briefcouvert“ gseh. Insbesondere für ne hippe und trendy Apple-nache Shop fingi das üsserscht überraschend…

Dezember 11, 2013
Sit em Sunnti gits jetz zVieri e Öpfu-Banane-Brei. Afänglech het d Sandra dr Gschmack komisch gfunge…aber hüt het si s ganze Schäli möge.

Dezember 10, 2013
Entgege mine Erwartige bini dr’Erscht gsi bim Reserviere vo de Chino-Tickets. Aber jä nu, i bechlage mi nid wemer die beschte Plätz hei am Donnschti 😉

Dezember 9, 2013