-
I ha hüt erfahre, dass i mi o dieses Jahr wieder über ne schöne Bonus darf freue. U das trotz afänglech nid so rosige Prognose (mir hei no grad 2-3 grossi Projekt i ds’neue Jahr überegno).
-
Nach 36 Jahr BERNMobil isch dr Ueli Eggimann (dr Ätti) i Pension gange. Mir hei ihn zum Zmittag mitere Tramfahrt im Fondue-Tram überrascht (leider ohni Fondue) u am Namitag het er de no zum Apero glade.
Ir grosse Pouseruum vo BERNMobil hei de Uelis Grossching sech am Töggeli-Chaschte versuecht. https://youtu.be/OiIaZwULZDw
-
I ha i mim Umfäud chli PC-Support gmacht dieses Jahr und ha itz grad dr’zwoit Tag in Folge Honorar übercho derfür. Das git es guets Gfüeu we d’Arbeit gschätzt wird u het mi bsungers gfreut wüu ig’s nid erwartet ha.
-
Ferie! Dies Jahr isch für mi fertig mit bügle, de ersch 2016 ume 🙂
-
I ha mi hüt so chli aus Guafför versuecht, mit meh Erfoug aus initiau erhofft. D’Manu het scho gwitzlet i heig „mini Bruefig verfäuht“ 🙂
-
Nachdem i geschter e ganze Tag dranne vergrüblet ha, isches mir hüt glunge dä Bug uf dr’Website uf iPhones z’lokalisiere und entsprechend o z’behebe.
Um ehrlech z’sy cha ig mir nach wie vor no nid würklech erkläre was d’Zämgehäng vo Ursach und Fehlverhaute genau isch. Es isch haut eine vo dene schregä Bugs wo irgendwie passiere ohni irgendere Logik z’Grund z’liege – EDV haut 🙂
-
Hüt hani vomene Chund es überschwänglechs Kompliment übercho wüu er isch verblüfft gsy wie schnäu mir so tricky Problem, wo nume schwer (bis gar nid) z’erkläre sy, chöi löse u er wieder cha schaffe. Das tuet guet u macht Freud.
-
Mis Mami het ihres Pensions-Apero gfyret wo mir natürlech o verbi sy und gratuliert hei. Was sie itz gschafft het, brucht bi üs sicher no 30 Jahr u meh 🙁
-
I ha e Bug wo mi scho syt Wuche immer mau wieder het beschäftiget (bi nid unungerbroche dranne gsy) ändlech chönne behebe und dür das ds’Projekt so z’säge chönne abschliesse.
-
I ha mi digitau Biuderrahme itz mitere Hampfele Fotos vor Familie (primär vor Bohne) gfüeut u cha itz Föteli vo ihre gniesse wenni bim schaffe grad chli Ufmunterig bruuche.