-
I ha mis au-jährleche Mitarbeiter-Gespräch gha. Es isch guet gloffe u dr’Chrigu isch sehr zfriede mit mire Büetz – das git es guets Gfüeuh.
Ds’einzig Negativ isch, dass ig mi verbrennt ha wüu ig d’Sunne ungerschetzt ha. Itz muessi mit grötete Arme umeloufe 🙁
-
Mir hei üse Bude-Usflug gha. Am Nami si mir ga Kart fahre in Payerne u am Abe när fein ga ässe im Luce in Bern.
Für mi isches ds’zwoite Mau gsi ufere Kartbahn. Entsprechend bini recht schwach gstartet. Mit jedere witere Rundi bini aber besser u besser dri cho und so hanis im letschte Durchlouf zur zwoitbeste Rundezyt gschafft. I has aber o mau gschafft mi z’verbremse und prompt bini dr’verchehrt Weg näbe dr’Strecke glandet 🙂
-
Mir hei vo mine Budekollege (de mediacoding Globibänze) es Gschenk mit Charte zur Geburt vor Sandra übercho. Bsungers d’Charte gfautmir sehr guet. Viele Dank.
-
Sones längs Wuchenend isch eifach scho toll – das sött me öfters ifüehre 🙂
-
Mi neu Arbeitsplatz isch endlech itroffe (e 27″ iMac). Es isch fang Zyt worde, het doch dr’Alt afa umezicke und langsam werde.
-
I ha uf Genf anes Meeting mitdörfe wo fasch usschliesslech isch Franz gredt worde. Zu mire Freud hani doch fasch aues verstande.
-
Uf geits zu mim zwoite bruefleche Uslandsufenthaut. Diesmau flügeni nach Schwede wo e wichtigi Chunde-Akquise ufem Plan steit.
-
Es isch gschafft. I ha erfougrich chönne 3/4u Jahr Code-Apassige (~ die 80 Subversion-Revisions) i ds’Live-System merge. Isch aber e rechti Fuehr gsi…
-
Wenn Nüt derzwüsche chunnt, de wirdeni Mitti Februar gschäftlech uf Schwede flüge zum bimne wichtige Chunde-Meeting derbi z’si. I bi scho itz ufgregt 🙂
-
Hmm, sones Poulet Curry isch eifach geng ume fein; bsungers wenni öppe 3 Wuche kes meh ha gha.