Nach längere Verhandlige hei mir d’Garage doch übercho zumne reduzierte Mietzins. Vorussichtlech mitti mai chöi mirs übernä.
I ha mir dieser Tage i Gring gsetzt die längwilige schwarze Felge vom Chinderwage optisch ufz’pimpe. Die Vorderi isch itz fertig u gfaut üs guet – d’Bohne wird de sicher o Freud ha :)
Mir hei für Gabi Moors 30. Geburi es Chinder-Büechli mit integriertem Gschenk-Guetschin bastlet.
Da sowou d’Manu aus o ig nid so Fan si bluti Guetschine z’verschenke hei mir üs entschiede es chlises Gschichtli z’erfinde wo vom Gabi u ihrem Hobby handlet und so o grad dr’Zweck vom Guetschin erklärt.
Mir si gspannt uf ds’erschte Fotobuech wo entsteit.
Mir hei es Agebot übercho für ne Werkstatt ire ehemalige Schrinerei in Heiligeschwendi. Und das grad bim erste Druck vom Inserat, wow!
Und wieder mau hei mir bastlet für nes Geburi-Gschenk.
Biuder fouge sobaud ds’Gschenk übergä worde isch.
Update:
D’Manu u i hei hüt zäme mit Chleischter bastlet. So fäggt’s!
Itz lö mers guet la trochne u de chöi mer dr’nächscht Schritt i Agriff nä.
Es Biud fougt wes fertig isch.