-
Bim Umsteue hei mir im Wohnzimmer e Schublade für Sandras Spiusache igrichtet. I ha die miteme säuber gsetzte Hama-Schriftzug schön agschrybe dass mä o grad weiss weles ihri Schublade isch.
Leider het das de nid so lang ghaute 🙁 Bereits i de erschte 10 Minute wo d’Sandra das Bastlete gseh het, he sie müesse dranne ga chnüble und het ersch ghört wo e Teil ab isch 🙁
-
Und scho wieder e Geburtstag 🙂 Diesmau isch Mike (Sandras Götti) es Jahr äuter worde und het das miteme gmüetleche Grille mit Fründe gfyret. Happy Birthday (aute Sack :))
Es wird nid dr letscht Geburi bliebe i de nächschte paar Wuche 🙂
-
Wüu ds’Zündschloss vomne eigete Chare nüm richtig tuet, hei mir haut müesse churz schliesse.
Sötti i Jahre mau ufene schiefi Bahn grate, so isch hie dr’Ursprung gsy 🙂
-
Nacheme gmüetleche Tag ir Badi hei d’Manu u ig am Abe schnäu es 1000er Puzzle zäme gsetzt wo grahmet söu i ds’Chinderzimmer cho u so no chli meh Farb dri bringe.
-
I ha üsem einte Beton-Pfoste mit viu Müeh und Not e „Metall-Strumpf“ agleit. Botz, isch das e Chrampf gsy.
Sinn vor Sach isch, dass d’Manu när es paar Gwürz und vilech no e paar angeri Pflänzli direkt cha a’Pfoste hänke und so dr’Pfoste optisch chli verschönere. Und natürlech o früsche Chrütli direkt zur Hang z’ha zum Choche 🙂 U so gseht’s bis itz us:
-
So langsam wachst d’Sandra us dr’Baby-Wanne vom Chinderwage drus; u so ha ig mi entschlosse doch dr’eigetlech Sitz z’montiere. Isch viu ringer gange aus die im Lade das hei gloube gmacht 🙂
-
I ha mi nach knapp 20 Jahr wieder mau a ne Nähmaschine gwagt zum Öppis schnurpfe. Gä hets e simple Sack zum d’Charte vom Spiu Carcassonne eifach chönne z’mischle und zieh.
-
Nachdem i geschter ha chönne ds’TrippTrapp i de Einzuteili entgäge näh, het d’Bohne hüt zum erschte Mau chönne drihocke i ihre neu Sitz wo se für es paar Jahr wird begleite.
-
I ha mir e zimlech rostige VW Chäfer ersteigert – itz giut’s ernst mitem Meche 🙂
-
Nachdem die bsteute Chräueli endlech si cho, chani itz o üses Wand-Tetris fertig bastle 🙂