-
So, e erschti Bastlete mit de Chetteglieder hani gschafft, und derbi e mengi Respekt entwicklet für die wo es kompletts Chettehemd säuber mache…
Dä bitz hie isch ca 30cm läng und 20 cm breit.
-
Nachdem i üse Wiehnachtsboum ir Stube ufgsteut ha, het d’Bohne iri LEGO ghout und e chlinere Boum bastlet wüu sie bim Grosse ja nid wird ufemöge zum schmücke.
-
Es isch e erschti Lieferig vo üser Mittuauter-Usrüstig itroffe. I cha itz afa Chettehemd bastle u d’Manu üebt fang mit Schiud u Schwert.
-
D’Manu het sech die letschte Täg i ds’Züg gleit zum dr’Sandra e eigete Adventskalender z’bastle.
-
Da i dr’Swisscom nid e neui Sim-Charte ha wöue abchoufe, hani haut eifach mini bisherigi ufene Schablone gleit und „fachgerecht“ säuber zuegschnitte. Chli Kante schliife und scho het das wunderbar passt und uf Ahieb funktioniert 🙂
-
I ha useme schlichte Biuder-Rahme e Dice-Tray bastlet. So choi mir itz o no spät am Abe würfle u dr’Glas-Tisch isch kes Problem meh 🙂
-
Mit Mamis Hiuf get d’Sandra hüt ihri erschte Gutzeli gmacht und het derbi wie erwartet einiges von Teig gschnouset 🙂 Mä kennts ja, mir sy nid besser (gsy).
-
Hüt hei mir d’Sandra igspannet zum bi de letschte Schritte vo ihrne Wiehnachtsgshenkli mit azpacke. Bastle mit ihre verlouft aber nid immer wie plannet 🙂
-
I ha d’Beschriftig vo Sandras Schublade gflickt, so dasses wieder guet lesbar isch.
-
Nachdem ig mi am Mänti bim bastle grüen u blau gärgeret ha, hani hüt chönne Erfouge fyre u ha mis Projekt chönne e guete Schritt vorwärts bringe.