-
Tag 2 vo üsem Reisli – Mir si im Vormittag bi mire Oma und em Rene ga käfele. Im Namitag si mir bim Götti Willi und sire Frou Barbara in Winterthur verbi.
450 Kilometer im Auto hocke hei mir scho möge merke, aber das isch e chline Priis für d’Freud wo mir dran hei (und o d’Freud wo mir üsne Gastgeber hei chönne mache). Ufem Heiweg hei mir spontan no e chline Umweg gmacht und si bim Grosi (mim Mami) ga verbiluege 🙂
-
Tag 1 vo üsem Ost-Schwyz-Wuchenend: Mir si bir Gotte Bigi und Familie in Stamme z’Bsuech gsi, hei e gmüetleche Abe zäme chönne verbringe und o grad bi ihne übernachte.
I ha o wieder mau mini Cousine und Cousins gseh. Das isch ds’letschte Mau o scho chli länger her…
-
Syt wenige Tage lernt üsi Bohne meh und meh säuber z’sitze. Zum Teil het sie zwar no chli Seegang und heutet sitlech, aber es wird immer besser.
-
Manus Gotte Beatrice und ihre Maa, dr’Geru, si zu üs cho e Tartare-Huet gniesse. Aaschliessend hei mir bis i die früehe Morgestunde dorfet und glachet.
-
Mir hei d’Monika und dr’Ueli zumne Tartare-Huet iglade bi üs. Das isch eifach scho es feins Znacht, o wenn d’Hütte när schmöckt… 🙂
-
Üser Hochzyts-Fotos si acho und mir hei se grad mitgno uf Schenkon zum mit mim Mami und em Brösi chönne aluege.
Itz mache mir üs ad’Gstautig vo üsere Dankes-Charte wo dir i absehbarer Zyt i euem Briefchaschte werdet vorfinde.
-
Mir hei e gmüetleche Abe bi Ueli und Monika verbracht. Sie hei iglade wüu dr’Ueli si 60ischt Geburi het gfyret. Herzleche Glückwünsch, blieb so wie de bisch.
-
Sit einige Tage üebt üsi chlini Bohne ihre erscht Buechstabe – ds’Be. Es isch so härzig; Vorauem we sie sech fescht astrengt und när so furzigi Grüüsch macht bim Üebe 🙂
-
Nachdem mir daheime chli sy häregläge, hei mir üs a ds’Uspacke vo dene viele tolle Gschenk und Glückwunsch-Charte gmacht. Viele Dank euch aune!
Unger au dene Gschenk het’s zwo Kreatione vo bsungers Bastuwüetige:
-
Mir bedanke üs härzlech bi au dene wo sech d’Müeh gmacht hei Öppis uf d’Bei z’steue oder vor z’trage.
Üse härzlech Dank geit a: ds’Gabi für z’organisiere, Asprechsperson sy vor dr’Hochzyt und Tätschmeistere während ihre Maa, em Mike, für sis Engagement aus Zeremonie-Meischter Beatrice, Joëlle, Mano, Mänu und Simon für die steti musikalische Ungermalig vo dem einmalige Tag Willi und Barbara für ihri Idee, dass mir es Jahr lang jedi Wuche e Charte (vo…