-
Mir si uf Schenke ga ds’Grosi und dr’Grösi bsueche. Für d’Bohne isches ds’erschte Mau gsi, dass sie so wyt greiset isch. Und o ds’erschte Mau bim Grosi.
-
Dr’Urs, üse Götti-Bueb, het hüt si sechst Geburi gfyret und zu Kafi u Chueche iglade.
-
Mir hei üs nomau am Brettspiu „Die Zwerge“ versuecht und hei dank apasster Taktik e grandiose Sieg chönne heibringe 🙂 Znächscht Mau erhöhe mir dr’Schwierigkeitsgrad uf jede Fau.
-
Wo üsi chlini Bohne bim Reby ufem Schoss glege und liecht a de Arme aghobe worde isch, het sie dr’Chopf säuber möge mitlüpfe – es geit irgendwie aues so schnäu 🙂
-
Mir hei chli mit em neue elektrische Zahnbürstli umegspiut und d’Bohne het’s chum wöue zrügg gä.
-
Mir si vo Moors zumene Grille iglade worde und hei e gmüetleche Abe dörfe zäme verbringe. Nume d’Bohne het nid soviu vo ihrem Götti mitübercho soviu wie sie pfuuset het.
-
D’Manu u ig si üs sicher, dass üsi chlini Bohne bereits chräftig üebt wie meh sech vom Rücke ufe Buch cha chehre. Klappet het’s zwar no nid, aber we sie so witerüebt, de durets nüm lang.
-
I bi mit dr’Bohne vorem Spiegu gstange (mir hei dr’Flüger gmacht). Und i bi mir sicher sie het mit ihrem Spiegu-Biud afa ploudere u grinse 🙂 So süess!
-
und wüus so schön isch no grad es Video vom Grosi und dr’Sandra.
-
Ds’Grosi und dr’Grösi si üs cho bsueche und so hei mir dä schön Namitag uf dr’Terrasse verbracht. Ds’Grosi het sogar chönne dr’Schoppe gä, was sie gloub ungloublech gfreut het.