-
Mir si spontan nachem Fyrabe no uf Steffisburg id’Badi und hei dert när mit Moors zäme znächtlet. So gäge Abe isches richtig friedlech ir Badi 🙂
-
D’Bohne het hüt e richtige Bsuechstag gha. Zersch si ihri Ur-Oma, mini Gotte u ihre Maa cho. Speter si no 2 Arbeitskollegine vor Manu cho.
Und d’Bohne het sech vor beste Site zeigt – sie isch sehr viu wach gsi u het umegluegt u zablet und nume ganz weni umegrauet. Entsprechend isch wieder mau d’Ussag cho „wartet de nume bis zur Pubertät“ 🙂
-
I ha endlech Zyt gfunge es Video vo letscht Wuchenend ufe z’steue. Mir hei churz es Freudi gha ufem Chinder-Spiuplatz 🙂
Video-Beschrybig: I bi sit Jahre nüm uf somne Teil gsi, drum hanis nid chönne la si. U dassech o d’Manu het druf gwagt hets nume lustiger gmacht 🙂 Die 2 Chline isch üse Götti-Giu, dr’Urs, u sini Schwoscht.
-
D’Bohne het bim Wickle so fescht müesse niesse, dass ig bis Mitti Oberarm bi agschisslet worde; einzelni Sprützer sie über 2 Meter vom Wickutisch am Bode entdeckt worde. RESPEKT!
-
D’Manu u ig hei hüt üses 7-jährige Jubiläum. Irgendwie isch die Zyt scho schnäu verbi gange… Uf witeri 7 Jahr (u meh :))
-
Es git öppe nüt schöners aus vor Bohne mit grosse Ouge agluegt u aglächlet z’werde.
-
Die erschte Lüt hei üses Geburtsvideo für d’Sandra bereits chönne aluege und hei üs mitteilt wie sehr sie sech über das Video gfreut hei. Das macht Freud o für witeri Mau es Video zäme z’schnide.
I has itz o no uf YouTube gsteut damit mes o cha aluege we mä grad ke DVD-Player zur Hand het =)
-
Das Wuchenend isch recht öppis gange. So isch spontan no dr’Cou-Cousin Bsuech cho.
-
Viele liebe Dank a aui wo hüt a mi denkt hei, sech gmäudet hei, oder gar si verbi cho. I ha mi huere gfreut!
Und de hei mers no grad super breicht mitem Wetter… Es isch echt geil we me problemlos bis nach de 22:00 cha uf dr’Terrasse höckle u dorfe.
-
Miner Wäger-Froue hei zämegspannet zum mi ufe 30. Geburi häre z’überrasche, was ihne o vou glunge isch. I ha nüt, aber o gar NÜT gschmöckt – dir sit super!