-
Bim Wäger z’Mittag hei mir mis Mami u mini Schwoscht chönne mit grosse News überrasche – die Zwoi si fasch vo de Stüeu gheit =)
-
Mir hei wieder mau e Fototermin mit Aschi gha. Es isch aues i bester Ornig u sie wachst u gedeiht prächtig 🙂
-
D’Manu, die zuekünftigi Frou Wäger, het mit Trändli i de Ouge JA gseit! I bi huere happy!
-
Iz het doch dr Pädu tatsächlech mini Eutere um mini Hand bäte. Da hätt i jetz würklech nid drmit grächnet. I bi grad rächt häppy 🙂
-
D’Sara Alexandra Eggima isch hüt 3-jährig worde. Da hei mir natürlech o verbi gluegt u gratuliert.
-
Aschi bewegt sech! E wunderschöne Moment.
-
Am Wiehnachts-Fescht uf Manus Site isch es mir glunge d’Manu mit mim Gschenk z’überrasche. Ds’Gschenk isch sit 3 Wuche organisiert gsi u sie het nüt, aber de gar nüt, gschmöckt =)
-
Wie jedes Jahr hei mir o im 2012 wieder dörfe zum Thesi ga wiehnächtele. Das tünkt mi geng bsungers schön wüus mit viu Erinnerige u Emotione verbunde isch.
-
Mis Mami u dr’Brösi hei iglade zum Wiehnachtsfescht z’Schenkon. Mir hei einisch meh sehr guet gässe u de drufabe no d’Wichteli-Gschenk verteilt.
U de hets sogar no grad es witers Novum gä: mitem neue Audi hei mir chönne Sterrys abhole u chauffiere. I gloube doch, dass das ihne o gfaue het – u me hockt ja gräumig uf dr’Rückbank 🙂
-
D’Manu u ig hei spontan e Bsuech bi Monika und Ueli gmacht. Sie hei sech gfreut üs z’gseh u so hei mer e gmüetleche Abe zäme verbracht u chli über dieses u eis plouderet.